Upasana Konidela : రామ్ చరణ్ సతీమణి, పారిశ్రామికవేత్త ఉపాసన కొణిదెల తమ కుమార్తె క్లిన్ కారా గురించి మాట్లాడారు. ఇటీవల గలాటా రిట్జ్ కు ఇచ్చిన ఇంటర్వ్యూలో ఆమె మాట్లాడుతూ, తామిద్దరం పేరెంటింగ్ డ్యూటీలను ఎలా పంచుకుంటామో చెప్పడంతోపాటు క్లిం కారా టోటల్ ‘డాడీస్ గర్ల్’ అని తెలిపింది. అంతేకాదు వాళ్లిద్దరినీ చూస్తే తనకు అసూయ కలుగుతుందని కూడా చెెప్పడం విశేషం. ఈ ఇంటర్వ్యూలో ఉపాసన ఇంట్రెస్టింగ్ కామెంట్స్ చేసింది. రామ్ చరణ్ ను చూడగానే తమ కూతురు క్లిన్ కారా ముఖం వెలిగిపోతుందని ఆమె చెప్పింది.
క్లిం కారాది తన తండ్రి పోలికా అని ప్రశ్నించినప్పుడు ఉపాసన ఇలా స్పందించింది. “శక్తి హృదయం నుంచి వస్తుంది. క్లిం కారా పెంపకంలో మేమిద్దరం ముఖ్యమైన పాత్ర పోషిస్తున్నామని నేను అనుకుంటున్నాను. అమ్మ ఏం చేయాలని అనుకుంటామో, నాన్న అంతకంటే ఎక్కువే చేస్తాడని నేను భావిస్తాను. మేమిద్దరం క్లిన్ కారాను సమానంగా చూసుకుంటున్నాం. ఇది చాలా బాగుంది. రామ్ చాలా మంచి తండ్రి. క్లిన్ డాడీస్ గర్ల్. ఇది నాకు చాలా అసూయగా అనిపిస్తుంది. తండ్రిని చూడగానే ఆమె ముఖం వెలిగిపోతుంది. ఆమె కళ్ళలో ఒక ప్రత్యేకమైన చిరునవ్వు, ఒక మెరుపు కనిపిస్తుంది” అని ఉపాసన చెప్పడం విశేషం.
మొదట్లో రామ్ చరణ్ చేసే పని అర్థం కాకపోయేదని, హీరోయిన్లతో అలా చేయడం అవసరమా అని అడిగేదాన్నని కూడా ఉపాసన తెలిపింది.“ప్రతి మహిళలాగే హీరోయిన్లతో నువ్వు అలా చేయడం అవసరమా అని రామ్ చరణ్ ని అడిగేదాన్ని. ఏంటిది అన్నట్లుగా ప్రవర్తించేదాన్ని. కానీ అతడు మాత్రం దయచేసి అర్థం చేసుకో.. ఇది నా వృత్తి, ఇలాగే ఉంటుంది అని చెప్పేవాడు. అతడు ప్రతి విషయం వివరించేవాడు. మొదట్లో అర్థం కాలేదు. కానీ ఇప్పుడు అంతా బాగుంది. మేమిద్దరం వేర్వేరు ప్రపంచాల నుంచి వచ్చాం. కానీ నాతో ఉన్న కెమెస్ట్రీ అతనికి మరొకరితో లేదు” అని ఉపాసన స్పష్టం చేసింది.