Raveena Tandon : బాలీవుడ్ బ్యూటీ రవీనా టాండన్ పై ఇటీవల దాడి జరిగినట్లు వార్తలు వస్తున్నాయి. ఇందుకు సంబంధించిన ఓ వీడియో సోషల్ మీడియాలో వైరల్ అవుతోంది. అయితే అందులో రవీనా టాండన్ తనను కొట్టొదంటూ అక్కడి వాళ్లను బతిమిలాడుకోవడం కూడా కనిపిస్తోంది. అయితే రవీనాతో పాటు ఆమె కారు డ్రైవర్ పై కూడా వాళ్లు దారుణంగా దాడికి పాల్పడ్డారు. ప్రస్తుతం బాలీవుడ్ లో ఇదే విషయం హాట్ ఆఫ్ ది టాపిక్ గా మారింది. అసలు ప్రజలు రవీనాతో పాటు ఆమె కారు డ్రైవర్ ను ఎందుకు కొట్టారో తెలుసుకుందాం. రవీనా తన కారులో ఫ్యామిలీ మెంబర్స్ తో కలిసి బయటకు వెళ్లింది. ఈక్రమంలోనే ముంబైలోని బాంద్రా వెస్ట్ కార్టర్ రోడ్డు వద్దకు వెళ్లగా వీరి కారు ప్రమాదానికి గురైంది. వీరి కారు ముందు వెళ్తున్న మరో కారును ఢీకొట్టినట్లు తెలుస్తోంది. ఎదురుగా ఉన్న కారులో ప్రయాణిస్తున్న వారికి గాయాలు కావడంతో వాళ్లు కోపంతో కారు దిగి రవీనా కారుకు అడ్డుపడ్డారు. డ్రైవర్ ను కిందకు దింపి మరీ కొట్టినట్లు తెలుస్తోంది.
తమ డ్రైవర్ ను అందరూ కలిసి కొడుతుండడంతో రవీనా టాండన్ కిందకు దిగి వారిని ఆపేందుకు ప్రయత్నించింది. ఈ క్రమంలోనే గొడవ మరింత పెద్దది అయింది. అయితే ఇందుకు సంబంధించి వీడియో ప్రస్తుతం నెట్టింట్లో వైరల్ గా మారింది. అందులో రవీనా అక్కడి వాళ్లను నన్ను కొట్టకండి ప్లీజ్ అంటూ బతిమాలడం మనం వినొచ్చు. అలాగే వీడియోలు తీయొద్దని కూడా బతిమాలినట్లు కూడా తెలుస్తోంది. అంతే కాకుండా మరో మహిళ.. రవీనా నాపై దాడి చేశారు.. నా ముక్కులోంచి రక్తం వస్తుందంటూ చెప్పడం కూడా కనిపిస్తుంది. దీంతో అక్కడున్న వాళ్లంతా ఆమెను కొట్టాలంటూ గొడవ చేశారు.
ఇదంతా ఇలా ఉండగా.. స్థానికులు మాత్రం రవీనా డ్రైవర్ ర్యాష్ డ్రైవింగ్ చేశారని వారిదే తప్పని వాదించారు. అలాగే రవీనా తన తల్లిని కొట్టిందని.. దాని వల్ల ఆమెకు తీవ్ర గాయమై ముక్కులోంచి రక్తం కూడా కారినట్లు ఓ వ్యక్తి ఆరోపించారు. అయితే వాళ్లు మద్యం మత్తులో కారుతో ఢీకొట్టి, ఆపై దాడి చేశారని కూడా చెబుతున్నారు. ప్రస్తుతం ఈ వీడియో వైరల్ అవుతుంది. పోలీసులు కేసు దర్యాప్తు చేసుకుని విచారణ చేస్తున్నారు. ఈ ఘటనపై రవీనా నుంచి ఇంకా ఎలాంటి సమాచారం లేదు.
Allegations of Assault by #RaveenaTandon & her driver on elderly Woman Incident near Rizvi law college, family Claims that @TandonRaveena was under influence of Alcohol, women have got head injuries, Family is at Khar Police station @MumbaiPolice @CPMumbaiPolice @mieknathshinde pic.twitter.com/eZ0YQxvW3g
— Mohsin shaikh 🇮🇳 (@mohsinofficail) June 1, 2024