Big Boss : ప్రిన్స్ యావర్‌కు బిగ్ బాస్.. తెలుగు క్లాస్ పెట్టించాడు. ‘‘బిగ్ బాస్ యావర్‌కు తెలుగు క్లాస్ పెట్టించాలని అనుకుంటున్నారు. ఈ తెలుగు క్లాస్‌లో భాగంగా ఇంట్లోని వారంతా టీచర్లుగా మారి, అయిదు తెలుగు పదాలను నేర్పించాల్సి ఉంటుంది.’’ అని బిగ్ బాస్ తెలిపారు. దీంతో హౌజ్‌లోని ఇతర కంటెస్టెంట్స్ అంతా టీచర్లు అవ్వగా.. యావర్ మాత్రం స్టూడెంట్‌గా అల్లరి చేయడం మొదలుపెట్టాడు. ముందుగా టీచరమ్మగా ప్రియాంక వచ్చి.. ‘‘మనం ఈరోజు నేర్చుకోబోయేది ఏంటంటే..’’ అంటూ తన పాఠాన్ని ప్రారంభించింది.
‘‘శోభాతో నువ్వు ఏం చేశావ్’’ అని అడగగా.. ‘‘సరసం’’ అని సమాధానమిచ్చాడు యావర్. ఆ సమాధానం విన్న తేజ.. ‘‘రేయ్ ఏం చేశావ్ రా’’ అంటూ ఫన్నీగా అడిగాడు. ఆ తర్వాత టీచర్‌గా వచ్చాడు టేస్టీ తేజ. ‘‘నువ్వు గేమ్‌లో సరిగా ఆడకపోతే.. మూడు స్టార్లు తీసుకురాకపోతే నేను నీతో ఏమంటాను’’ అని తేజ పాఠం చెప్తుండగానే.. తను కట్టుకున్న పంచను లాగి అక్కడి నుండి పారిపోయాడు యావర్. దీంతో కాసేపు ఫన్ క్రియేట్ అయ్యింది. ఆ తర్వాత మోడర్న్ గెటప్‌లో టీచర్‌గా వచ్చింది శోభా శెట్టి.
‘‘నీ భార్య సోదరిని ఏమంటారు?’’ అని ప్రశ్నించింది. దానికి యావర్.. ‘‘శోభా’’ అని సమాధానమిచ్చాడు. దీంతో కోపమొచ్చిన శోభా.. మరదలు అంటారు అంటూ యావర్‌ను గొడుగుతో కొట్టింది. దానికి యావర్ బాగుంది టీచర్ అంటూ ఐస్ చేసే ప్రయత్నం చేశాడు. అమర్‌దీప్ వచ్చి లైట్ అంటే తెలుగులో వెలుగు అని యావర్‌కు నేర్పిస్తుండగా.. ‘‘నువ్వు వెలుగురా ముందు’’ అంటూ కౌంటర్ ఇచ్చాడు తేజ.