Salman Khan : బాలీవుడ్ సూపర్ స్టార్ సల్మాన్ ఖాన్ తను ఎంత బిజీగా ఉన్నప్పటికీ.. పనితో పాటు కుటుంబానికి పూర్తి సమయాన్ని కేటాయిస్తుంటారు. సల్మాన్‌ను పర్ఫెక్ట్ ఫ్యామిలీ మ్యాన్ అని కూడా అంటారు. సల్మాన్‌కి తన తోబుట్టువులు, తల్లిదండ్రులంటే చాలా ఇష్టం. ఇటీవల సల్మాన్ ఖాన్ సెలబ్రిటీ క్రికెట్ లీగ్ (CCL) సీజన్ 10 మొదటి మ్యాచ్‌లో పాల్గొన్నాడు. ఈ మ్యాచ్ ముంబై హీరోస్, కేరళ స్ట్రైకర్స్ మధ్య జరిగింది. సల్మాన్ తన సోదరుడు, తల్లి సల్మా , సోదరి అర్పిత పిల్లలతో ఇక్కడ కనిపించాడు.
అందుకు సంబంధించిన వీడియోను సల్మాన్ ఖాన్ స్వయంగా తన ఇన్‌స్టాగ్రామ్ ఖాతాలో పంచుకున్నారు. ఎప్పటిలాగే సల్మాన్, తల్లి సల్మా మధ్య చాలా అందమైన బంధం ఈ వీడియోలో స్పష్టంగా కనిపిస్తుంది. వీడియోలో సల్మాన్ తన తల్లిని పదే పదే ముద్దుపెట్టుకుంటున్నాడు. సల్మాన్ తన తల్లికి చాలా సన్నిహితుడు. అతను ఎల్లప్పుడూ తన తల్లికి పూర్తి సమయం ఇవ్వడానికి తన శాయశక్తులా ప్రయత్నిస్తాడు. కాగా, వీడియోలో సల్మాన్ తన సోదరి అర్పిత పిల్లలతో సరదాగా గడుపుతున్నాడు.
అర్పిత పిల్లలు వారి మేనమామ సల్మాన్ ఖాన్‌తో చాలా సన్నిహితంగా ఉంటారు. ఈ వీడియోపై అభిమానులు తమ ప్రేమను కామెంట్ల రూపంలో కురిపిస్తున్నారు. ఇలా ఫ్యామిలీతో గడిపేస్తున్న సల్మాన్ ఖాన్ ని చూసి ఫ్యాన్స్ ఫిదా అయిపోయారు. సోషల్ మీడియా వినియోగదారులు సల్మాన్‌ను ప్రశంసిస్తూ రాజా బేటా అని కూడా పిలుస్తున్నారు. కామెంట్ సెక్షన్ భాయిజాన్ అభిమానుల కామెంట్లతో నిండిపోయింది. సల్మాన్ కరణ్ జోహార్ ధర్మ ప్రొడక్షన్స్ నిర్మిస్తున్న ది బుల్‌లో నటిస్తున్నాడు.