Mamitha Baiju : ఇటీవల కాలంలో తెలుగు చిత్రపరిశ్రమలో మార్మోగుతున్న పేరు మమితా బైజు. నేరుగా అసలు తెలుగులో సినిమా చేయకపోయినా తెలుగు ప్రేక్షకుల మనసు దోచుకుంది. అందం, అద్భుతమైన నటన, అంతకుమించిన చలాకీతనంతో కుర్రకారును తన మాయలో పడేసింది. ఇటీవల మలయాళంలో బ్లాక్ బస్టర్ హిట్ అందుకున్న ప్రేమలు సినిమా తెలుగులో డబ్ అయిన సంగతి తెలిసిందే. దర్శకధీరుడు రాజమౌళి కుమారుడు కార్తీకేయ ఈ చిత్రాన్ని తెలుగులో విడుదల చేశారు. సినిమాకు ఇక్కడ కూడా అద్భుతమైన రెస్పాన్స్ వచ్చింది. ఇందులో తన క్యూట్ ఎక్స్ ప్రెషన్స్ తో యూత్ లో విశేషమైన క్రేజ్ సంపాదించుకుంది మమిత. ఇప్పుడు టాలీవుడ్ ఇండస్ట్రీలో ఆమెకు ఆఫర్లు క్యూ కట్టాయి. ముఖ్యంగా విజయ్ దేవరకొండ కొత్త ప్రాజెక్టులో ఈ అమ్మడు సెలక్ట్ అయినట్లు తెలుస్తోంది.
ప్రేమలు సినిమా కంటే ముందు మలయాళంలో ఆమె చాలా సినిమాల్లో నటించింది. అంతుకు ముందు షార్ట్ ఫిల్మ్స్ కూడా చేసింది. ప్రేమలు సినిమాకు తన కెరీర్ లో 16వ మూవీనట. తెలుగు సినిమాల్లోకి మలయాళం నుంచి హీరోయిన్లను తీసుకురావడం పాత ముచ్చటే. మన తెలుగమ్మాయిలని తమిళ, మలయాళ సినిమాల్లో హీరోయిన్లుగా నటింప చేస్తుంటే మనవాళ్లు అక్కడ సూపర్ హిట్లు కొడుతున్న వారిని తెలుగులోకి తీసుకొచ్చే ప్రయత్నాలు చేస్తున్నారు. అలా కేరళ కుట్టి మమిత బైజుకి వరుస సినీ అవకాశాలు క్యూ కడుతున్నాయి. ఈ క్రమంలో మమితకు సంబంధించి ఒక వార్త ఇప్పుడు నెట్టింట్లో వైరల్‌గా మారింది. మమిత అనేది తన అసలు పేరు కాదని.. తన పేరు మారడం వెనుక పెద్ద కథ ఉందంటూ చెప్పుకొచ్చింది.
తన అసలు పేరు నమిత అట.. ఆమె పుట్టినప్పుడు హాస్పిటల్‌ సిబ్బంది బర్త్‌ సర్టిఫికెట్‌లో పొరపాటున ‘N’ అనే అక్షరానికి బదులు ‘M’ అనే అక్షరాన్ని రాశారట. ఆ దెబ్బతో నమిత అవ్వాల్సిన తాను మమిత అయ్యానంటూ చెప్పుకొచ్చింది. అయితే బర్త్‌ సర్ట్‌ఫికెట్‌ ఇష్యూ అయిన సమయంలో మా పేరెంట్స్‌ చూసుకోలేదు, సరిగ్గా స్కూల్‌లో జాయిన్‌ అవ్వాల్సిన సమయంలో ఈ విషయాన్ని గుర్తించారు. అయితే ముందు మార్చాలని అనుకున్న సరే.. ఇది కూడా ఏదో తేడా గానే ఉన్న కాస్త వింతగా ఉంది కదా అని భావించి అలాగే ఉంచేసారట. అలా ఉంచడానికి కారణం ఆ పేరుకి మలయాళంలో మిఠాయి అని అర్థం వస్తుంది. సరే అని అలాగే ఉంచేయడంతో నమిత కావాల్సిన తాను మమిత అయ్యానంటూ చెప్పుకొచ్చింది.