Salaar Movie : యంగ్ రెబెల్ స్టార్ ప్రభాస్ హీరో గా నటించిన అత్యంత ప్రతిష్టాత్మక చిత్రం ‘సలార్’ మరో 5 రోజుల్లో మన ముందుకు రాబోతుంది. బాహుబలి సిరీస్ తర్వాత కెరీర్ ఒక్క హిట్ కూడా లేని ప్రభాస్ ఈ చిత్రం తో కం బ్యాక్ ఇస్తాడని, పాన్ ఇండియా లెవెల్ లో ఉన్న రికార్డ్స్ మొత్తాన్ని బద్దలు కొట్టేస్తాండని అభిమానులు బలమైన నమ్మకంతో ఉన్నారు. ఈ చిత్రానికి సంబంధించిన అడ్వాన్స్ బుకింగ్స్ ఓవర్సీస్ మరియు కర్ణాటక ప్రాంతాలలో మొదలయ్యాయి.
నార్త్ అమెరికా లో 1 మిలియన్ ప్రీమియర్ మార్కుకి అతి చేరువ లో ఉన్న ఈ సినిమా, కర్ణాటకలో ఈ ఏడాది హైయెస్ట్ ఓపెనింగ్స్ సాధించిన చిత్రం గా నిలవబోతుంది. ఇకపోతే నైజాం ప్రాంతం లో క్రేజీ సినిమాలన్నీ ప్రముఖ నిర్మాత దిల్ రాజు కొనుగోలు చేస్తుంటాడు. కానీ ఈ చిత్రాన్ని మాత్రం ఆయన కొనుగోలు చెయ్యలేదు. కారణం నిర్మాతలు ఎక్కువ ప్రైజ్ చెప్పడమే.
దిల్ రాజు తప్పుకోవడం తో ఈ సినిమాని ప్రముఖ నిర్మాణ సంస్థ మైత్రీ మూవీ మేకర్స్ 63 కోట్ల రూపాయలకు నైజాం రైట్స్ ని దక్కించుకున్నారు. అయితే ఈ చిత్రం విడుదలయ్యే ఒక్క రోజు ముందు షారుఖ్ ఖాన్ ‘డుంకీ’ చిత్రం విడుదల అవ్వబోతుంది. ఈ సినిమాకి సంబంధించిన నైజాం ప్రాంతం హక్కులను దిల్ రాజు కొనుగోలు చేసాడు. విడుదల భారీ నుండి అతి భారీ గా ఉండబోతుంది.
ఇప్పటికే హైదరాబాద్ మరియు నైజాం ప్రాంతం లో అత్యధిక మల్టీప్లెక్స్ మరియు సింగిల్ స్క్రీన్ షోస్ ని భారీ గా హోల్డ్ చేసాడు. 22 వ తారీఖున విడుదల అవ్వబోయే సలార్ చిత్రానికి రికార్డు స్థాయి వసూళ్లు రావాలంటే కచ్చితంగా థియేటర్స్ భారీ గా ఉండాలి. ఇప్పుడు దిల్ రాజు ఇలా షోస్ అన్నీ హోల్డ్ చెయ్యడం వల్ల సలార్ చిత్రానికి మొదటి రోజు అదనంగా రావాల్సిన 3 కోట్ల రూపాయిల షేర్ నష్టం వచ్చే అవకాశం ఉందని ట్రేడ్ పండితులు చెప్తున్నారు.