టాలీవుడ్ డార్లింగ్..పాన్ ఇండియా స్టార్ ప్రభాస్ బాలీవుడ్ బ్యూటీ కృతి సనన్తో ప్రేమలో ఉన్నాడని పుకార్లు తెగ వైరల్ అవుతున్నాయి. వీరిద్దరూ కలిసి తాజాగా ఆదిపురుష్ మూవీలో నటిస్తున్నారు. ఈ సినిమా షూటింగ్ సమయంలోనే వీరి మధ్య ప్రేమ చిగురించినట్లు తెలుస్తోంది. కొంతకాలంగా వీరి రిలేషన్షిప్ గురించి బాలీవుడ్ మీడియా తెగ వైరల్ స్టోరీస్ ప్రచురిస్తోంది.
ప్రభాస్ ఎఫైర్లపైన రూమర్స్ కొత్తేమీ కాదు. పలువురు హీరోయిన్స్తో ఆయన ఎఫైర్ నడిపారని చాలా పుకార్లు ఉన్నాయి. ముఖ్యంగా దేవసేన.. అదేనండి మన స్వీటీ అనుష్కతో ప్రభాస్ చాలా ఏళ్లుగా ప్రేమలో ఉన్నాడంటూ వార్తలొచ్చాయి. నిన్న కృతి సనన్తో ఎఫైర్ గురించి న్యూస్ వచ్చే ముందు వరకు కూడా సినీ ఇండస్ట్రీ ప్రభాస్-అనుష్క ప్రేమలో ఉన్నారనే అనుకున్నారు. కానీ తాజాగా కృతి పేరు తెరపైకి రావడంతో అందరితో పాటు ప్రభాస్ ఫ్యాన్స్ కూడా షాకయ్యారు.
ప్రభాస్- అనుష్క జంట ఆన్ స్క్రీనే కాదు ఆఫ్ స్క్రీన్ కూడా బాగుంటుందంటూ ఫ్యాన్స్ అనుకుంటున్నారు. వీళ్లిద్దరు కలిస్తే బాగుంటుందని ఫీల్ అవుతున్నారు. కానీ కృతితో ప్రభాస్ ప్రేమలో ఉన్నాడంటూ వార్తలు రావడంతో ప్రభాస్ ఫ్యాన్స్ కాస్త నిరాశకు గురైనట్లు కనిపిస్తోంది. ఆదిపురుష్ షూటింగ్లో ప్రభాస్-కృతిలు ప్రేమలో పడ్డట్లు పుకార్లు వచ్చాయి. దీనికి కృతి సనన్ తాజా కామెంట్స్ ఆజ్యం పోశాయి. ప్రభాస్తో పెళ్లికి రెడీ అని కృతి ఓ ఇంటర్వ్యూలో చెప్పడంతో దాదాపు వీళ్ల రిలేషన్షిప్ ఖాయమేనని అందరూ అనుకున్నారు.
కృతి సనన్ ఏదో సెన్సేషన్ కోసమో లేదా ప్రభాస్పై అభిమానంతో ఈ మాట చెప్పలేదని తాజా పరిణామాలు చూస్తుంటే అనిపిస్తుంది. ప్రభాస్-కృతి మధ్య సీరియస్ రిలేషన్ నడుస్తుందా అనే సందేహం కలుగుతోంది. రీసెంట్గా బాలీవుడ్ హీరో వరుణ్ ధావన్ చేసిన కామెంట్స్ చూస్తుంటే వీళ్ల రిలేషన్షిప్ పుకార్లు నిజమేనేమో అనిపిస్తున్నాయి. ఇంతకీ వరుణ్ ఏం చెప్పాడంటే..?వరుణ్ ధావన్-కృతి జంటగా భేడియా మూవీలో నటించారు. రీసెంట్గా ఈ సినిమా థియేటర్లలో రిలీజ్ అయింది. ఈ సినిమా ప్రమోషన్స్లో వరుణ్-కృతి బిజీబిజీగా ఉన్నారు. ఈ సినిమా ప్రమోషన్స్ కోసం కృతి సనన్, వరుణ్ ధావన్ ఒక బాలీవుడ్ షోలో పాల్గొన్నారు. ఆ షోలో యాంకర్గా కరణ్ జోహార్ ఉన్నాడు. కృతిసనన్ పేరు నీ గుండెల్లో ఎందుకు లేదని కరణ్, వరుణ్ని అడిగాడు. ఎందుకంటే… కృతి నేమ్ మరొకరి గుండెల్లో ఉంది. ఆయన ముంబయిలో లేడు. మరోచోట దీపికా పదుకొనె తో షూటింగ్లో పాల్గొంటున్నాడని వరుణ్ కామెంట్ చేశాడు.
వరుణ్ కామెంట్స్కు కృతి నవ్వుతున్నట్లు కనిపించినా ఇబ్బందికరంగా హ్యాండ్ మూమెంట్స్ ఇచ్చారు. వరుణ్ ధావన్ హింట్ ప్రకారం ప్రభాస్ గుండెల్లో కృతి పేరుంది. ఆయన హైదరబాద్లో దీపికా పదుకొనెతో పాటు ప్రాజెక్ట్ కె షూట్లో పాల్గొంటున్నాడని స్ఫష్టంగా అర్థం అవుతుంది. వరుణ్ ధావన్ అంత కాన్ఫిడెంట్గా చెప్పిన నేపథ్యంలో అసలు ఏం జరుగుతుందనే సందేహాలు మొదలయ్యాయి.
ప్రభాస్ పెళ్లి విషయంలో ఏదైనా సంచలన ప్రకటన రానుందా అని ఊహాగానాలు మొదలయ్యాయి. ఇక ప్రభాస్కు పెళ్లి ఈడు ఎప్పుడో దాటిపోయింది. ఆయన ప్రస్తుత వయసు 42 సంవత్సరాలు. అనుష్కతో పెళ్లి వార్తలను ఇటు స్వీటీతో పాటు ప్రభాస్ కూడా ఖండించాడు. మరి కృతి సనన్ వ్యవహారం ఎలాంటి మలుపు తీసుకుంటుందో చూడాలి.
Whaaaaaaattt 😯😁🥰💖…… Joo meyy soch raha hoo, voo aap log bii?!😌😹🤔🤔. #KritiSanon #Prabhas𓃵 !! #ProjectK 🪐 pic.twitter.com/F3s91EyFwe
— Jai Kiran💟🧚♂️♟️ (@Kiran2Jai) November 27, 2022