Amitabh Bachchan : సూపర్ స్టార్ అమితా బచ్చన్ గురించి ప్రత్యేకంగా పరిచయం అక్కర్లేదు. ఒకప్పుడు బాలీవుడ్ కే పరిమితమైన బిగ్ బి ఇప్పుడు ఇతర భాషల్లోనూ నటిస్తున్నారు. నటుడిగానే కాకుండా బుల్లితెర చరిత్రలో సంచలనం సృష్టించిన ‘కౌన్ బనేగా కరోడ్ పతి’తో బాగా పాపులర్ అయ్యారు. నటుడిగా, హోస్ట్‌గా, సామాజిక కార్యకర్తగా అన్ని రంగాల్లో తన సత్తా చాటుతున్నాడు. ప్రస్తుతం అతడి వయసు 81 ఏళ్లు అయినా కుర్ర హీరోలకు పోటీగా నటిస్తున్నాడు బిగ్ బీ. అయితే.. తాజాగా.. అమితా బచ్చన్ ముంబైలోని కోకిలాబెన్ ఆసుపత్రిలో చేరారు. యాంజియోప్లాస్టీ చేయించుకున్నట్లు టాక్.
భుజం నొప్పి కారణంగా అమితాబ్ శుక్రవారం ఉదయం 6 గంటలకు ముంబైలోని కోకిలా బెన్ ఆసుపత్రిలో చేరినట్లు స‌మాచారం. ఈ సందర్భంగా బిగ్ బీ ‘X’, ‘T 4950-Forever grateful’ అంటూ పోస్ట్ చేశారు. అదేవిధంగా, అతను మ్యాచ్ సందర్భంగా తన కుమారుడు అభిషేక్ బచ్చన్‌తో ‘T 4950 – అంఖ్ ఖోల్కే దేఖ్ లో, కాన్ లగాకే సున్ లో, మజా ముంబై కి హోగీ జై జైకార్, యే బాత్ అబ్ మన్లో’ అంటూ కొన్ని జ్ఞాపకాల వీడియోను పంచుకున్నాడు. ఈ ఏడాది ప్రారంభంలో అమితా బచ్చన్ మణికట్టుకు శస్త్రచికిత్స చేయించుకున్న సంగతి తెలిసిందే. ఈ సందర్భంగా ఫొటోలను అభిమానులతో పంచుకున్నారు. అమితాబ్ ఆస్పత్రిలో చేరారనే వార్త తెలియగానే అభిమానులు ఆందోళనకు గురయ్యారు. ఆయన క్షేమంగా తిరిగి రావాలని దేవుడిని ప్రార్థిస్తున్నారు.