Aha movie : కొత్త ఏడాది షురూ అయింది. ఈ వారం బాక్సాఫీస్ వద్ద చిన్నసినిమాలు వరుస కట్టాయి. థియేటర్లో ఈ వీక్ అంతా చిన్నసినిమాలదే సందడి. వచ్చే వారం మాత్రం అగ్ర హీరోల మూవీస్తో బాక్సాఫీస్ షేక్ కానుంది. ముఖ్యంగా సీనియర్ స్టార్స్ చిరంజీవి, బాలకృష్ణలు ఈసారి సంక్రాంతికి పోటీ పడుతున్నారు. ఈ ఏడాది పోటీలో నాగార్జున మిస్ అయ్యారు. ప్రతి సంవత్సరం సంక్రాంతికి సందడి చేసే నాగ్.. ఈ ఏడాది కాస్త బ్రేక్ ఇచ్చారు.
మరోవైపు ఓటీటీలు కూడా సూపర్ హిట్ కంటెంట్తో ప్రేక్షకులను అలరించడానికి రెడీ అయ్యాయి. గతేడాది ఓటీటీలో సినిమాలు, వెబ్ సిరీస్లు ప్రేక్షకులను అమితంగా ఆకట్టుకున్నాయి. లాస్ట్ ఇయర్ అందించిన జోష్తో కొన్ని ఓటీటీలు సొంతంగా కంటెంట్ క్రియేట్ చేసి సిరీస్లు, సినిమాలు నిర్మిస్తున్నాయి.
ఇదే బాటలో తెలుగు ఓటీటీ ఆహా కూడా పయనిస్తోంది. ఈ ఏడాది సరికొత్త సినిమాలు, కార్యక్రమాలు, వెబ్ సిరీస్లతో తెలుగు ప్రేక్షకులను అలరించేందుకు ఆహా ఓటీటీ రెడీ అయింది. ఈ ఏడాది సంక్రాంతి నుంచి ఉగాది వరకు ప్రేక్షకులకు నాన్స్టాప్ వినోదం పంచేందుకు ఓటీటీ సంస్థ ‘ఆహా’ సిద్ధమైంది. త్వరలో తమ యాప్‌లో స్ట్రీమింగ్‌ కాబోయే కొత్త సినిమాలు,సిరీస్లు, రియాలిటీ షో వివరాలను సోషల్‌ మీడియా వేదికగా ప్రకటించింది. ఈ మేరకు ఓ వీడియోనూ విడుదల చేసింది. థియేటర్లలో విడుదలయ్యేందుకు సిద్ధంగా ఉన్న చిత్రాల జాబితాను ఇప్పుడే ప్రకటించి, ఆసక్తి పెంచుతోంది.
కొత్తగా ఏం రాబోతున్నాయంటే..
సినిమాలు
మైఖేల్‌ (సందీప్‌ కిషన్‌ హీరో)
వినరో భాగ్యము విష్ణు కథ (కిరణ్‌ అబ్బవరం హీరో)
కల్యాణం కమనీయం (సంతోశ్‌ శోభన్‌ హీరో)
ఆహా ఒరిజినల్‌ ఫిల్మ్స్‌/ వెబ్ సిరీస్లు
ఇంటింటి రామాయణం
సత్తిగాని రెండెకరాలు
పాపం పసివాడు
న్యూసెన్స్‌
బాలుగాని టాకీస్‌
గీతా సుబ్రహ్మణం 3
బీఎఫ్‌ఎఫ్‌ 2
విడుదల తేదీలను ఇంకా ఖరారు చేయలేదు.