మీ ఫేవరెట్ హీరోయిన్ ఎవరని కుర్రాళ్లను అడిగితే టక్కున చెప్పే పేరు నేషనల్ క్రష్ రష్మిక మందన్న. కిరిక్ పార్టీతో తెరంగేట్రం చేసిన ఈ కన్నడ బ్యూటీ టాలీవుడ్లో యంగ్ హీరో నాగశౌర్యతో నటించిన చలో మూవీతో ఎంట్రీ ఇచ్చింది. ఆ సినిమాలో రష్మికను చూసిన యువత చూసీ చూడంగానే నచ్చేశావే.. అడిగీ అడగుకుండా వచ్చేశావే.. నా మనసులోకి.. అంటూ పాడేసుకున్నారు. ఇక ఆ తర్వాత విజయ్ దేవరకొండతో నటించిన గీత గోవిందంతో రష్మిక రేంజ్ ఒక్కసారిగా ఎక్కడికో వెళ్లిపోయింది.
విజయ్తోనే మరో సినిమా డియర్ కామ్రేడ్లో నటించి వీళ్లిద్దరు టాలీవుడ్ లవ్లీ పెయిర్గా పేరు తెచ్చుకున్నారు. ఇక వరుస సినిమాలతో రష్మిక టాలీవుడ్, కోలీవుడ్, శాండల్వుడ్లో తన జోష్ చూపిస్తోంది. ఈ అమ్మడుకున్న క్రేజ్ చూసి బాలీవుడ్ ఆఫర్లు కూడా తలుపుతట్టాయి. ఇటీవలే తన ఫస్ట్ బాలీవుడ్ మూవీలో బిగ్బీ అమితాబ్ బచ్చన్ పక్కన నటించింది. గుడ్బై మూవీతో బీ టౌన్ ప్రేక్షకులను పలకరించింది.
సాధారణంగా రష్మిక అందం, క్యూట్నెస్కు ఫిదా అయిన ముంబయి వాసులు.. గుడ్బై సినిమాతో ఈ బ్యూటీ నటనకు కూడా ఫిదా అయ్యారు. ఇంకేంటి బీ టౌన్లోనూ ఆఫర్లు క్యూ కట్టాయి ఈ భామ కోసం. రణ్బీర్ కపూర్ సరసన ఎనిమల్, సిద్ధార్థ్ మల్హోత్రాతో మిషన్ మజ్నులో రష్మిక నటిస్తోంది. ఇవే కాకుండా ఇళయదళపతి విజయ్తో వారిసులో సందడి చేస్తోంది.
టాలీవుడ్లో ఇటీవలే విడుదలైన సీతా రామమ్ లో రష్మిక నటనకు విమర్శకుల ప్రశంసలు లభించాయి. ఇటు గ్లామర్ రోల్స్తో పాటు అటు నటనకు ఆస్కారమున్న పాత్రల్లోనూ ఆకట్టుకుంటున్న ఈ ముద్దుగుమ్మ సోషల్ మీడియాలోనూ బాగా యాక్టివ్గా ఉంటుంది. ఎప్పటికప్పుడు లేటెస్ట్ ఫోటోలను షేర్ చేస్తూ ఉంటుంది. అందుకే ఫేస్బుక్, ఇన్స్టాలో మిలియన్ల మంది రష్మికను ఫాలో అవుతుంటారు. స్టైల్ సిగ్నేచర్గా పేరు తెచ్చుకున్న ఈ కన్నడ భామని ప్రస్తుతం అందరూ నేషనల్ క్రష్గా పిలుస్తున్నారు.
సోషల్ మీడియాలో తాజాగా పోస్టు చేసిన Rashmika Mandanna Photos వైరల్ అవుతున్నాయి. ఎరుపు రంగు ట్రెడిషనల్వేర్లో ఈ భామ చాలా ముద్దుగా కనిపిస్తోంది. ఈ ఫొటోలు చూసిన కుర్రకాలు ఊరికే నేషనల్ క్రష్ అన్నామా.. రెడ్ డ్రెస్లో క్యూటీ సూపర్గా ఉందంటూ కామెంట్స్ చేస్తున్నారు.