Tollywood News : చాలా మంది కుర్రాళ్ల ఒక సినిమా చూడాలంటే ఆ మూవీలో హీరోయిన్ ఎవరని అడుగుతారు. ఎందుకంటే కంటెంట్, హీరో, డైరెక్టర్ ఇవన్నిటికన్నా కుర్రాళ్లను అట్రాక్ట్ చేసేది అందమైన హీరోయిన్. ఆకాశానికి వెన్నెల అందం ఎలాగో సినిమాకు కథానాయిక బ్యూటీ అలాగే. వెండితెరపై నాయికల సందడి.. గ్లామర్ షోకు ఫిదా కానీ వారంటూ ఉండరు. అలాగే టాలీవుడ్లో ( Tollywood news ) ప్రతి ఏటా చాలా మంది కొత్త కథానాయికలు ఎంట్రీ ఇస్తుంటారు. అలా ఈ ఏడాది ఎంట్రీ ఇచ్చిన హీరోయిన్లు ఎవరు..? మరి ఫస్ట్ మూవీతోనే హిట్ కొట్టారా.. ఫట్మనిపించారా చూద్దాం..
మృణాల్ ఠాకూర్.. సీతారామం మూవీతో టాలీవుడ్లో ఎంట్రీ ఇచ్చిన ఈ బ్యూటీ తెలుగు ప్రేక్షకుల మదిలో చెరగని ముద్ర వేసింది. సీతగా ఆ మూవీలో తను పలికించిన హావభావాలు, నటనకు ఆడియెన్స్ ఫిదా అయ్యారు. ఈ సినిమాతో టాలీవుడ్లో మృణాల్కు వరుస ఆఫర్లు వస్తున్నాయి.
నజ్రియా ఫాహద్.. హలో బ్రదర్ అంటూ రాజారాణి మూవీతో తెలుగు ప్రేక్షకులకు నజ్రియా పరిచయమే. కానీ ఇది డబ్బింగ్ సినిమా. నజ్రియా స్ట్రెయిట్ తెలుగు మూవీ అంటే సుందరానికి తో టాలీవుడ్లో ఎంట్రీ ఇచ్చింది. మొదటి సినిమాతోనే సూపర్ హిట్ అందుకుంది.
ఫస్ట్ సినిమాయే పాన్ ఇండియా స్థాయిలో గుర్తింపు పొందిన హీరోతో ఛాన్స్ వస్తే ఎలా ఉంటుంది. మన సంయుక్త మీనన్ పరిస్థితి అదే మరి. భీమ్లా నాయక్ మూవీలో రానాతో జంట కడుతూ టాలీవుడ్లో తెరంగేట్రం చేసింది ఈ బ్యూటీ. తన పాత్ర కాసేపే ఉన్నా.. ఉన్నంత సేపు తన నటన, గ్లామర్తో ఆకట్టుకుంది.
పొట్టి నూడుల్స్.. ఇదేంటనుకుంటున్నారా. ఓరి దేవుడా మూవీ చూస్తే మీకే అర్థమవుతుంది. విశ్వక్ సేన్ సరసన పొట్టి నూడుల్స్గా నటించి తెలుగు ప్రేక్షకులను అలరించింది మిథిలా పాల్కర్. తన క్యూట్ క్యూట్ ఎక్స్ప్రెషన్స్తో కుర్రాళ్లను ఫిదా చేసింది.
ఓరి దేవుడా మూవీతోనే టాలీవుడ్లో ఎంట్రీ ఇచ్చింది మరో హీరోయిన్ ఆశా భట్. విశ్వక్ సేన్కు సీనియర్గా నటించి అందరి మన్ననలు అందుకుంది.
షెర్లీ సేటియా.. ఈ బాలీవుడ్ సింగర్.. యంగ్ హీరో నాగశౌర్య నటించిన కృష్ణవ్రింద విహారి మూవీతో టాలీవుడ్లో అడుగు పెట్టింది. మొదటి సినిమాలోనే గ్లామర్ ట్రీట్తో కుర్రాళ్లను కట్టిపడేసింది.
అశోక వనంలో అర్జున కల్యాణం సినిమాతో తెలుగు తెరకు పరిచయమైంది రితికా నాయక్. ఈ సినిమాలో పెళ్లి కూతురు చెల్లిగా నటించి మెస్మరైజ్ చేసింది. ఈ మూవీ చూసిన ప్రతి ఒక్కరు ఈ బ్యూటీ క్యారెక్టర్ను మరిచిపోలేరు.
మెగా అల్లుడు కల్యాణ్ దేవ్ హీరోగా నటించిన సూపర్ మచీ మూవీతో టాలీవుడ్కు పరిచయమైంది కన్నడ బ్యూటీ రచితా రామ్. ఈ సినిమా బాక్సాఫీస్ వద్ద అట్టర్ ఫ్లాప్ అయినా.. రచిత గ్లామర్, యాక్టింగ్కు మాత్రం కుర్రాళ్లు ఫిదా అయిపోయారు.
మాస్ మహారాజ రవితేజతో కలిసి రామారావు ఆన్ డ్యూటీలో సందడి చేసింది రజిషా విజయన్. తెలుగులో ఈ బ్యూటీకి ఇది మొదటి సినిమా అయినా మెచ్యూర్డ్ యాక్టింగ్తో ప్రేక్షకులను అలరించింది. మరోవైపు జై భీమ్, జూన్, కర్ణన్ వంటి సినిమాలతోనూ సౌత్ ఆడియెన్స్ను ఆకట్టుకుంది.