Sumanth Borra హాలీవుడ్లో మొత్తం ఇండిపెండెంట్ సింగర్స్దే హవా. గ్రూప్, సోలో.. ఇలా రకరకాల ఇండిపెండెంట్ సింగర్స్ తమ సత్తా చాటుతూ ఉంటారు. ఇక బాలీవుడ్ సంగతికి వస్తే అక్కడ కూడా కొందరు తమ ఇండిపెండెంట్ మ్యూజిక్ ఆల్బమ్స్తో సత్తా చాటి నెమ్మదిగా సినిమాల్లో ఛాన్స్ కొట్టేస్తున్నారు. అదే మన తెలుగు సినిమా ఇండస్ట్రీకి వస్తే ఇండిపెండెంట్ సింగర్స్ చాలా తక్కువ. ఈ మధ్య సోషల్ మీడియా పుణ్యమా అని చాలా మంది స్వతంత్ర గాయకులు పుట్టుకొస్తున్నారు. తెలుగులో జానపదానికి సంబంధించి చాలా మంది ఇండిపెండెంట్ సింగర్స్ ఉన్న విషయం తెలిసిందే.
అయితే ఇండిపెండెంట్ మ్యూజిక్లో సత్తా చాటుతున్న తెలుగువాళ్లలో వెంకటేశ్ ఉప్పుల, సుమంత్ సుమంత్ బొర్రా, హనుమాద్రి శ్రీకాంత్, తల్లాడ సాయికృష్ణ గ్రూప్ కూడా ఒకటి. ఈ నలుగురు డిఫరెంట్ కాన్సెప్ట్స్తో మ్యూజిక్ వీడియోలు చేస్తూ తెలుగు ప్రేక్షకుల మది దోచేస్తున్నారు. ఇప్పటికే ఈ టీమ్ చాలా పాటలు విడుదల చేసింది. ఇక తాజాగా నువ్వే ఒక సైన్యమంటూ ఈ టీమ్ మన ముందుకొచ్చింది. ఈ పాట ఇప్పటికే యూట్యూబ్లో విడుదలై సెన్సేషన్ క్రియేట్ చేస్తోంది.
సుమంత్ అండ్ టీమ్ మరొక ఇండిపెండెంట్ మ్యూజిక్ కంపోజిషన్తో అచీవర్స్ అనే సినిమాలో ఛాన్స్ కొట్టేశారు. ఈ మూవీకి సుమంత్ టీమ్లో ఒకరైన వెంకటేశ్ ఉప్పల సంగీతం అందించారు. సుమంత్ స్వరపరచగా.. ఈ ఇద్దరూ కలిసే ఈ పాటను ఆలపించారు. హనుమాద్రి శ్రీకాంత్ సాహిత్యం అందించారు. తల్లాడ సాయికృష్ణ దర్శకత్వంలో వచ్చిన అచీవర్స్ సినిమా కోసం ఈ పాటను అందించారు.
అచీవర్స్ సినిమా ట్రైలర్ లాంఛింగ్ ఈవెంట్ ప్రసాద్ ల్యాబ్స్లో జరిగింది. ఈ ఈవెంట్లో సుమంత్ అండ్ టీమ్ నువ్వే ఒక సైన్యం అనే పాటను పాడారు. వీరి పాటను విన్న అక్కడున్న వారంతా తన్మయత్వంతో చప్పట్లు కొట్టారు. ఈ కార్యక్రమంలో బిగ్ బాస్ విన్నర్ కౌశల్, తెలంగాణ టూరిజం ఛైర్మన్ శ్రీనివాస్ గుప్తా, సీనియర్ ప్రోడ్యూసర్ తుమ్మలపల్లి రామ సత్యనారాయణ, సీనియర్ రిటైర్డ్ ఐఏఎస్ డా.చింతల శ్రీనివాస్ పాల్గొన్నారు.
సుమంత్ బొర్రా, వెంకటేష్ ఉప్పల ఆదిత్య మ్యూజిక్తో కలిసి చేసిన నాలుో పాట ‘నువ్వే ఒక సైన్యం‘.. వీరి కాంబినేషన్లో వచ్చిన మొదటి పాట ‘ఎలా మరి ఇక రావా!’. అది యూట్యూబ్లో మంచి వ్యూస్ ని సంపాదించుకుంది. అలాగే రెండో పాట ‘పడిపోయా’తో యూత్ను మరోసారి తమ మ్యూజిక్తో ప్రేమలో పడేలా చేశారు. ఇక మూడో పాట.. ‘విశ్వం’ ఈ సాంగ్తో అందరి మదిలో అమ్మపై ఉన్న ప్రేమను తట్టిలేపారు. ఇక తాజా పాటతో ప్రతి ఒక్కరిలో దేశభక్తిని నింపారు.ఈ టీమ్ ఇండిపెండెంట్ మ్యూజిక్ అనతి కాలంలోనే ప్రజల హృదయాల్లో ఒక సుస్థిరస్థానాన్ని సంపాదించుకున్నారు. ఇండిపెండెంట్ మ్యూజిక్ ప్రపంచంలో తమ కంటూ ఓ సిగ్నచేర్ క్రియేట్ చేసుకున్నారు.