Tollywood Re-Release : టాలీవుడ్లో ప్రజెంట్ అంతా రీ రిలీజ్ సినిమాలదే ట్రెండ్. ఖుషి, ఒక్కడు, 3 వంటి సూపర్ హిట్ సినిమాలు ఇప్పటికే థియేటర్లలో రెండోసారి సందడి చేశాయి. అదే బాటలో మరికొన్ని సినిమాలను రిలీజ్ చేసేందుకు బ్లాక్ బస్టర్ నిర్మాతలు రెడీ అవుతున్నారు. మరి అవేంటో ఓ లుక్కేద్దామా..?
మాస్ మహారాజ రవితేజ ప్రస్తుతం బ్యాక్ టూ బ్యాక్ హిట్స్తో ఫుల్ జోష్లో ఉన్నాడు. ధమాకాతోపాటు వాల్తేరు వీరయ్య కూడా బ్లాక్ బస్టర్ హిట్ కొట్టింది. రవితేజ క్రేజ్ ను క్యాష్ చేసుకోవడానికి ఇదే కరెక్ట్ టైం అని భావిస్తున్న నిర్మాతలు ఆ హీరో బ్లాక్ బస్టర్ సినిమాలు రీ రిలీజ్ చేసేందుకు ప్రయత్నిస్తున్నారు. అందులో భాగంగానే రవితేజ నటించిన సూపర్ హిట్ సినిమా మిరపకాయను రీ రిలీజ్ చేసే పనిలో ఉన్నారు. హరీష్ శంకర్ డైరెక్షన్లో 2011లో తెరకెక్కిన ఈ చిత్రం సూపర్ హిట్ కొట్టింది. ఇప్పుడు జనవరి 26న మళ్లీ థియేటర్లలో సందడి చేయబోతోంది.
కశ్మీర్ ఫైల్స్ మూవీ మరోసారి విడుదలకు సిద్ధమవుతోంది. ఏడాది తిరగకుండానే ఈ చిత్రాన్ని రీ రిలీజ్ చేయబోతుండడం విశేషం. కశ్మీర్ ఫైల్స్ గతేడాది మార్చి 11న విడుదలైంది. హిట్ టాక్తో భారీ కలెక్షన్లు సాధించింది. ఇప్పుడు మరోసారి రిలీజ్కు రెడీ అయ్యింది. జనవరి 26న ఈ చిత్రాన్ని ప్రేక్షకుల ముందుకు తేనున్నారు.
ఆల్ టైమ్ గ్రేట్ మూవీ టైటానిక్ కూడా మరోసారి ప్రేమికుల హృదయాలను తాకబోతోంది. 1996లో వచ్చిన ఈ క్లాసిక్ మూవీని మళ్లీ ఫిబ్రవరి 10న రీ రిలీజ్ చేయబోతున్నారు.
పవర్ స్టార్ పవన్ కల్యాణ్ కెరియర్లో ఫస్ట్ బ్లాక్ బస్టర్ మూవీ తొలిప్రేమ. ప్రేమ కథా చిత్రాల్లో ట్రెండ్ సెట్ చేసిన ఈ మూవీ సైత్ మళ్లీ విడుదల కాబోతోంది. ప్రేమికుల రోజు కానుకగా ఫిబ్రవరి 14న ఈ చిత్రాన్ని విడుదల చేయబోతున్నారు.
అల్లు అర్జున్ సూపర్ హిట్ మూవీ దేశముదురు మళ్లీ రిలీజ్ కాబోతోంది. ఈ పూరీ జగన్నాథ్ మార్క్ మూవీ ఏప్రిల్ 7న థియేటర్లో విడుదల కానుంది.
ఎన్టీఆర్ రాజమౌళి కాంబోలో వచ్చిన బ్లాక్ బస్టర్ మూవీ సింహాద్రి మళ్లీ ప్రేక్షకుల ముందుకు రాబోతోంది. ఎన్టీఆర్కు మాస్ ఇమేజ్ తెచ్చిపెట్టిన ఈ మూవీ మే 20న రీ రిలీజ్ చేయబోతున్నారు.
దేశభక్తి చిత్రాలకు బ్రాండ్ గా నిలిన వాటిల్లో ఖడ్గం మూవీ ఒకటి. ఈ సినిమాను కూడా మళ్లీ రిలీజ్ చేయబోతున్నారు. క్రియేటివ్ డైరెక్టర్ కృష్ణ వంశీ తెరకెక్కించిన ఈ మూవీ ఆగస్టు 15న విడుదల కానుంది.