భారీ పబ్లిసిటీ తో యంగ్ టైగర్ ఎన్టీఆర్ హీరో గా నటించిన సూపర్ హిట్ చిత్రం సింహాద్రి ఆయన పుట్టినరోజు సందర్భంగా రీసెంట్ గానే 4K టెక్నాలజీ తో మార్చి రీ రిలీజ్ చేసారు. ఏ రీ రిలీజ్ సినిమాకి లేని విధంగా ప్రీ రిలీజ్ ఈవెంట్ కూడా చేసారు. ఈ ఈవెంట్ కి విశ్వక్ సేన్ లాంటి సెలబ్రిటీస్ కూడా హాజరయ్యారు. ఇంత గ్రాండ్ ప్లానింగ్ చేసారు కాబట్టి కచ్చితంగా ఈ చిత్రం రీ రిలీజ్ అయిన చిత్రాలలో ఆల్ టైం రికార్డు సృష్టిస్తుందని అందరూ అనుకున్నారు.
అలా భారీ అంచనాల నడుమ సుమారుగా 1200 షోస్ తో విడుదలైన ఈ చిత్రం మొదటి రోజు ఖుషి రీ రిలీజ్ రెకార్డుకి దరిదాపుల్లో కూడా రాలేకపోయింది. ఇక రెండవ రోజు అయితే కేవలం 15 లక్షల రూపాయిల గ్రాస్ ని సొంతం చేసుకోగా, మూడవ రోజు కేవలం 7 లక్షల రూపాయిల గ్రాస్ ని మాత్రమే అందుకుంది.
అలా ఈ చిత్రం మూడు రోజులకు కలిపి మూడు కోట్ల 72 లక్షల రూపాయిల గ్రాస్ ని సొంతం చేసుకుంది. రీ రిలీజ్ కలెక్షన్స్ పరంగా ఇది ఆల్ టైం టాప్ 2 చిత్రం అయ్యినప్పటికీ, ఖుషి చిత్రాన్నే టార్గెట్ గా పెట్టుకున్నారు కాబట్టి ఆ సినిమాతో పోల్చి చూస్తే చాలా తక్కువే అని చెప్పాలి. ఖుషి మొదటి రోజు నాలుగు కోట్ల 15 లక్షల రూపాయిల గ్రాస్ వసూళ్లను రాబట్టింది.
సింహాద్రి చిత్రం మూడు రోజులకు కలిపి కూడా అంత వసూళ్లు రాకపోవడం ఇప్పుడు చర్చనీయాంశంగా మారింది. ఇక నిన్నటితోనే ఈ చిత్రానికి క్లోసింగ్ కలెక్షన్స్ పడిపోయినట్టే అని, ఇక ఈరోజు నుండి ఏ ప్రాంతం లో కూడా గ్రాస్ వసూళ్లు రావని అంటున్నారు. ఎదో ఊహిస్తే ఇంకేదో అయ్యిందని నందమూరి అభిమానులు నిరాశ చెందుతున్నారు. వచ్చే ఏడాది అదుర్స్ చిత్రం ని రీ రిలీజ్ చేస్తామని, ఆ చిత్రం తో ఈసారి రికార్డు మిస్ అయ్యే ఛాన్స్ లేదని అంటున్నారు, చూడాలి మరి.