Samyuktha ప్రస్తుతం టాలీవుడ్లో హ్యాప్పెనింగ్ హీరోయిన్. ఈ బ్యూటీ ఇటీవలే సార్ సినిమాతో సూపర్ హిట్ అందుకుంది. అందులో మాస్టారు.. మాస్టారు పాటలో ఈ భామ అందం, అభినయం చూసి తెలుగు కుర్రాళ్లు ముచ్చటపడిపోయారు. తమ కోసమే సంయుక్త పాట పాడుతున్నట్లు భావించి ఊహల్లో తేలిపోయారు. ఆ సినిమా సూపర్ హిట్ కావడంతో ఈ భామకు తెలుగులో అవకాశాలు తలుపు తడుతున్నాయి.
తాజాగా ఈ బ్యూటీ విరూపాక్ష సినిమాలో నటించింది. ఈ చిత్రంలో సంయుక్త సుప్రీం హీరో సాయి ధరమ్ తేజ్తో నటించింది. ఇటీవలే ఈ సినిమా ట్రైలర్ రిలీజ్ అయి అందర్నీ ఆకట్టుకుంటోంది. ఏప్రిల్ 21న ఈ చిత్రం థియేటర్లలో సందడి చేయనుంది. ఈ క్రమంలో చిత్రబృందం ఏలూరులో ప్రీ రిలీజ్ ఈవెంట్ నిర్వహించింది.
విరూపాక్ష ప్రీ రిలీజ్ ఈవెంట్లో సంయుక్త గ్రీన్ కలర్ ఔట్ఫిట్లో సందడి చేసింది. ట్రెడిషనల్ ఔట్ఫిట్లో ఎంతో ముద్దుగా కనిపిస్తూ అందరి కళ్లు తనవైపే పడేలా చేసుకుంది. కళ్లు చెదిరే అందంతో మెస్మరైజింగ్ స్మైల్తో అందర్నీ ఆకర్షించింది సంయుక్త. చూపుతిప్పుకోనివ్వని గ్లామర్తో ప్రీ రిలీజ్ ఈవెంట్లో సెంటర్ ఆఫ్ అట్రాక్షన్గా నిలిచింది. ఈ వేడుకలో అందరూ మాట్లాడుతూ సంయుక్తను గోల్డెన్ లెగ్ అంటూ తెగ పొగిడేశారు.
భీమ్లా నాయక్ సినిమాతో టాలీవుడ్లో అరంగేట్రం చేసింది సంయుక్త. ఆ సినిమాలో రానాకు జంటగా నటించింది. ఈ మూవీ ఫంక్షన్లో పవన్ కల్యాణ్ గురించి మాట్లాడుతూ ఈ భామ తెలుగు ప్రేక్షకుల మనసు దోచేసింది. ఇక భీమ్లానాయక్ తర్వాత ఈ బ్యూటీ బింబిసారలో నటించింది. అది కూడా బాక్సాఫీస్ వద్ద బంపర్ హిట్ అవ్వడంతో ఈ భామకు వరుస అవకాశాలు వచ్చాయి.
ఇటీవలే సార్ సినిమాతో బ్లాక్బస్టర్ హిట్ కొట్టిన సంయుక్త ఇప్పుడు విరూపాక్ష సినిమాతో ఆ ఆనవాయితీ కొనసాగిస్తుందా లేదా అనేది తెలియాలంటే ఈ సినిమా విడుదల అయ్యే వరకు వేచి చూడాల్సిందే. ఆల్ ది బెస్ట్ సంయుక్త.