Rana Naidu : ప్రస్తుతం మల్టీ స్టారర్ ట్రెండ్ నడుస్తోంది.. ఓకే సినిమాలో ఇద్దరు స్టార్స్ కలిసి నటిస్తే ఆ చిత్రానికి ఊహించిన స్థాయిలో రెస్పాన్స్ రావడంతో పాటు భారీ హిట్ కూడా అందుకుంటుంది.. ఆ ఇద్దరు స్టార్స్ కూడా రియల్ లైఫ్ లో బంధువులు అయితే ఆ క్రేజీ కాంబినేషన్ కి వంకే పెట్టక్కర్లేదు పేరుకి బాబాయి అబ్బాయిలైనా వెంకటేష్ రానాలు మొదటిసారి ఓ వెబ్ సిరీస్ లో కలిసి పూర్తిస్థాయిలో నటించారు.. రానా నాయుడు వెబ్ సిరీస్ నేటి నుంచి నెట్ ఫ్లిక్స్ లో స్ట్రీమింగ్ అవుతోంది.. ఈ వెబ్ సిరీస్ ఎలా ఉంది బాబాయి – అబ్బాయిలు ఏ మేరకు మెప్పించారో ఇప్పుడు చూద్దాం..
కథ:
బాలీవుడ్ లో వచ్చే స్కాండిల్ ని ఈజీగా ఫిక్స్ చేస్తుంటాడు రానా నాయుడు ( రానా). ఇక సెలబ్రిటీలే అతన్ని పెంచి పోషిస్తుంటారు. తన క్లైయింట్స్ ను సేవ్ చేయడానికి రానా ఎంత రిస్క్ అయినా తీసుకుంటాడు. అది ఎంత పెద్ద ప్రాబ్లమ్ అయినా సరే క్షణాల్లో పరిష్కారం ఇచ్చే రానా తండ్రి నాగానాయుడు (వెంకటేష్) పెద్ద సమస్యగా మారతాడు.. ఈ కథలో ఊహించని ట్విస్ట్ ఏంటంటే నాగానాయుడిని జైలుకు పంపించింది రానా.. అసలు రానా ఎందుకు నాగానాయుడిని జైలుకు పంపిస్తాడు.. ఆ విషయాన్ని తెలుసుకున్న నాగానాయుడు రానాతో ఎలా రియాక్ట్ అవుతాడు.. అందరితో ప్రేమగా ఉండే రానా ఎందుకు నాగానాయుడితో అంతా కఠినంగా ఉండాల్సి వచ్చింది.. ఇలాంటి ఆసక్తికర విషయాలు తెలియాలంటే కచ్చితంగా ఈ వెబ్ సిరీస్ ను చూడాల్సిందే..
2013లో వచ్చిన అమెరికన్ టెలివిజన్ సిరీస్ రే డోంట్ వాంట్ కు రీమేగా రానా నాయుడు వెబ్ వచ్చింది. ఇంగ్లీష్ వాళ్లకి ఈ వెబ్ సిరీస్ నచ్చిన కానీ తెలుగు వారికి మాత్రం రానా వెంకటేష్ పాత్రలు కాస్త రుచించవనే చెప్పాలి. రెండు ఎపిసోడ్లు చూసేదాకా అసలు స్టోరీలైన అర్థం కాదు. పైగా ఈ కథ ఎటువైపు ములుపు తిరుగుతుంది. అసలు కథ ఏంటి తెలియడానికి కాస్త సమయం పడుతుంది. కానీ ఈ కథలోని క్యారెక్టర్స్ మాత్రం మనసుకి దగ్గరగా ఉన్నట్టు అనిపిస్తాయి. సూటిగా చెప్పాలంటే ఈ వెబ్ సిరీస్ లో హీరో ఎవరో, విలన్ ఎవరో కూడా అర్థం కారు. వీళ్లిద్దరి మధ్య ఉన్న రిలేషన్ ఏంటి.. ఒకరిని ఒకరు ఎందుకు ద్వేషించుకుంటారు అనేది తెలియాలి అంటే ఈ వెబ్ సిరీస్ లోని పాత్రలకు మనం కనెక్ట్ కావాలి.. లేదంటే హాలీవుడ్ సినిమాలను తెలుగులో డబ్బింగ్ చూస్తే ఎలా ఉంటుందో అలాంటి భావనే కలుగుతుంది.
సినిమాకైనా వెబ్ సిరీస్ కైనా క్లైమాక్స్ ముఖ్యం డైరెక్టర్ బలమైన పాయింట్ తో క్లైమాక్స్ ను మాత్రం అద్భుతంగా రాశారు. ముందు 8 ఎపిసోడ్స్ ఎలా ఉన్నాయనే దానికంటే కూడా వాటిలోని బలాబలాలు కంటే క్లైమాక్స్ మాత్రం ఈ వెబ్ సిరీస్ ని ఆకాశానికి ఎత్తేసిందని చెప్పొచ్చు . ఈ వెబ్ సిరీస్ మీరు చివరి వరకు చూస్తే కనుక మంచి ఫీల్ గుడ్ మెసేజ్ అని మాత్రం అర్థమవుతుంది. చిన్న చిన్న పాత్రలు అందులో ఎందుకు వస్తాయో ఎందుకు వెళ్ళిపోతాయో కూడా తెలియదు. నెట్ ఫ్లిక్స్ నుంచి ఈ వెబ్ సిరీస్ రావడంతో మంచి హైప్ క్రియేట్ అయింది. దానికి తగ్గట్టే నిర్మాణ విలువలు కూడా ఉన్నాయి. వెంకటేష్ ఎప్పటిలాగే తన పర్ఫామెన్స్ తో ఇరగ తీశారు రానా నటన ఈ వెబ్ సిరీస్ కి హైలెట్ గా నిలిచింది. ఇక స్టోరీ లైన్ కూడా విభిన్నంగా ఉంది. అందరినీ ఆకట్టుకుంటుంది కూడా.. చిన్నచిన్న లోపాలు తప్పించి.. ఎక్స్పెక్టేషన్ లేకుండా చూస్తే ఈ వెబ్ సిరీస్ మాత్రం చాలా బాగుంది.