Tillu Square : టిల్లూ స్క్వేర్.. ప్రస్తుతం టాలీవుడ్ యూత్ అంతా ఈ సినిమా గురించే మాట్లాడుకుంటున్నారు. ఎందుకంటే డీజే టిల్లూ వారికి ఇచ్చిన హైప్ అలాంటిది. ఇప్పటికే ఈ చిత్రానికి సంబంధించిన పోస్టర్లు, టీజర్లు, పాటలు, ట్రైలర్లు సినిమాపై అంచనాలను పెంచేశాయి. టిల్లు ఎప్పుడు థియేటర్లలోకి వస్తుందా అని ఎదురుచూపులు మొదలయ్యాయి. అయితే మార్చి 29న టిల్లూ ప్రపంచవ్యాప్తంగా థియేటర్లలో విడుదలకు సిద్ధమవుతోంది.ఇప్పుడు ఈ సినిమాపై ఓ రూమర్ వైరల్ అవుతోంది. ఈ వార్త విన్న అభిమానులంతా అబ్బా అన్నా.. ఏం ప్లాన్ చేశారంటూ కామెంట్స్ చేస్తున్నారు.
ఇంతకీ విషయం ఏమిటంటే.. డీజే టిల్లు సినిమా పెద్ద హిట్ అవ్వడంలో రాధిక కూడా ఓ పాత్ర పోషించింది. నిజానికి సినిమా కథాంశం ఆ పాత్ర ఆధారంగానే ఉంటుంది. ఇప్పుడు సీక్వెల్‌లో క్యారెక్టర్‌ని పరిచయం చేయకపోయినా పేరు విచ్చలవిడిగా వాడుతున్నారు. టిల్లూ చెప్పిన నాలుగు డైలాగ్స్‌లో మూడో డైలాగ్‌లో రాధిక పేరు ప్రస్తావనకు వచ్చింది. పెళ్లి, ప్రేమ, అమ్మాయి ఇలా ఏ టాపిక్ వచ్చినా రాధిక పేరు వస్తూనే ఉంటుంది. ఇదంతా చూసిన టిల్లూ స్క్వేర్ లో రాధిక ఉంటే బాగుంటుందనే అభిప్రాయాలు, డిమాండ్లు వినిపించాయి.
అతిథి పాత్రలో రాధిక నటిస్తే బాగుంటుందన్న వ్యాఖ్యలు వినిపిస్తున్నాయి. అయితే రాధిక పాత్రను పక్కన పెట్టే ఆలోచనలో మేకర్స్ లేరని తెలుస్తోంది. రాధిక కూడా టిల్లూ స్క్వేర్ లోనే ఉంటారని తెలుస్తోంది. ఈ సీక్వెల్‌లో రాధిక అక్క పాత్ర ఉంటుందని అంటున్నారు. టిల్లూ-రాధిక మధ్య 15 నిమిషాల పాటు మ్యాడ్ సీక్వెన్స్ ఉంటుందని సమాచారం. రాధిక కూడా టిల్లూ స్క్వేర్‌లో ఉంటుందని తెలిసి అభిమానులు సంబరాలు చేసుకుంటున్నారు. అనుపమ పాత్ర రాధిక పాత్రను మించిపోతుందని ప్రత్యేకంగా చెప్పనవసరం లేదు. పార్ట్ 1తో పోలిస్తే.. సీక్వెల్‌లో యాక్షన్, ఎమోషన్, రొమాన్స్ అన్నీ డబుల్ ఇంపాక్ట్ క్రియేట్ చేసేలా ఉన్నాయి. ఇప్పటికే టిల్లూ స్క్వేర్ సినిమాపై యూత్ లో అంచనాలు భారీగా పెరిగాయి. మార్చి 29న విడుదల కోసం ఆసక్తిగా ఎదురుచూస్తున్నారు.అలాగే సినిమాకు సంబంధించి హైప్ పెంచేలా.. టిల్ స్క్వేర్ ఓటీటీ రైట్స్ కు సంబంధించిన ఓ వార్త వైరల్ అవుతున్న సంగతి తెలిసిందే. టిల్ స్క్వేర్ ఓటీటీ రైట్స్ ని ఏకంగా రూ.35 కోట్లకు కొనుగోలు చేసినట్లు వార్తలు వస్తున్నాయి. అంటే సినిమాపై ఎంత నమ్మకం ఉన్నా, ఎంత హైప్ వచ్చినా ఆ రేట్ చెల్లిస్తారా అని ప్రేక్షకులు ఆశ్చర్యపోతున్నారు. సిద్దు జొన్నలగడ్డ కెరీర్‌లో టిల్ స్క్వేర్ బిగ్గెస్ట్ హిట్‌గా నిలుస్తుందని అభిప్రాయాలు వినిపిస్తున్నాయి.