Salaar : పాన్ ఇండియా స్టార్ ప్రభాస్ హీరోగా కేజీఎఫ్ ఫేం ప్రశాంత్ నీల్ దర్శకత్వంలో తెరకెక్కుతున్న చిత్రం సలార్. ప్రపంచ వ్యాప్తంగా ఉన్న ప్రభాస్ అభిమానులు చిత్రం ఎప్పుడు విడుదల అవుతుందా అని ఆత్రుతగా ఎదురు చూస్తున్నారు. భారీ బడ్జెట్ తో హై ఓల్టేజ్ యాక్షన్ సీక్వెన్స్ తో తెరకెక్కిస్తున్న సినిమా సలార్. హోంబలే ఫిలిమ్స్ ఈ చిత్రాన్ని రెండు భాగాలుగా నిర్మిస్తోంది. అందులో మొదటి పార్ట్ సలార్ సీజ్ ఫైర్ విడుదలకు రెడీ అయింది. వాస్తవానికి సెప్టెంబర్ 28న రిలీజ్ కావాల్సిన ఈ సినిమా పోస్ట్ ప్రొడక్షన్ ఆలస్యం కావడంతో రిలీజ్ వాయిదా పడింది. దీంతో ప్రభాస్ ఫ్యాన్స్ తీవ్ర నిరాశకు గురయ్యారు. అయితే రిలీజ్ డేట్ పై కొద్ది రోజులుగా భిన్నమైన ప్రచారాలు జరిగాయి. వచ్చే ఏడాది సంక్రాంతికి సలార్ వస్తుందని ఊహాగానాలు వచ్చాయి. తరువాత మార్చిలో వస్తుందని ప్రచారం జరిగింది. కానీ మెజార్టీ వర్గాలు మాత్రం డిసెంబర్లోనే విడుదల చేస్తారని భావించారు. ఫైనల్ గా అదే నెలలో రిలీజ్ చేస్తున్నట్లు చిత్ర యూనిట్ కన్ఫర్మ్ చేసేసింది.
ఈ చిత్రాన్ని ప్రపంచ వ్యాప్తంగా డిసెంబర్ 22న రిలీజ్ చేయనున్నట్లు మూవీ మేకర్స్ అఫీషియల్ అనౌన్స్ మెంట్ ఇచ్చేశారు. క్రిస్మస్ కానుకగా డార్లింగ్ ప్రభాస్ సలార్ తో అలరించేందుకు సిద్ధంగా ఉన్నట్లు తెలుస్తోంది. ఈ మేరకు చిత్ర యూనిట్ ఓ పోస్టర్ విడుదల చేసింది. అందులో డిసెంబర్ 22న రిలీజ్ చేస్తున్నట్లు ప్రకటించింది. ఈ తేదీ ప్రకారం సలార్ ఇంకా థియేటర్లలో సందడి చేసేందుకు రెండు నెలల టైం ఉంది. ఈ రెండు నెలల్లో సలార్ అవుట్ ఫుట్ ఫర్ఫెక్ట్ గా రెడీ చేయడానికి, అలాగే చిత్రం ప్రమోషన్స్ యూనిట్ బలంగా చేయడానికి టైం దొరుకుతుంది. ఇది ఇలా ఉంటే అదే రోజు బాలీవుడ్ బాద్ షా నటించిన షారుఖ్ ఖాన్ ‘డుంకీ’ మూవీ కూడా రిలీజ్ కానుంది. దీంతో షారూక్ తో ప్రభాస్ పోటీ పడబోతున్నారు. ఈ క్రమంలో బాలీవుడ్ లో సలార్ కంటే షారుఖ్ ఖాన్ డుంకీ చిత్రానికే బజ్ క్రియేట్ అయ్యే అవకాశాలు పుష్కలంగా ఉన్నాయి. ఆ సినిమా కారణంగా థియేటర్స్ పరంగా చాలెంజ్ ఎదురయ్యే అవకాశాలు మాత్రం లేకపోలేదు.
