టాలీవుడ్లో ప్రజెంట్ హాప్పెనింగ్ జోడీ అంటే పవిత్రా-నరేశ్లదే. ఈ జోడీ చాలా రోజులుగా లైమ్లైట్లో ఉంటూ తెగ పాపులారిటీ కొట్టేశారు. ఇక వారి లవ్ స్టోరీపై ఏకంగా ఓ సినిమా కూడా తీసి ఆ పాపులారిటీని మరికాస్త పెంచుకున్నారు. ఎక్కడ చూసినా ఈ జంటే కనిపిస్తోంది. ఏ ఛానెల్ పెట్టినా వీళ్ల ఇంటర్వ్యూలే కనిపిస్తున్నాయి. ఇక సోషల్ మీడియాలో పవిత్ర-నరేశ్ల రచ్చ మామూలుగా లేదు. వీళ్ల రిలేషన్షిప్పై ట్రోలింగ్ ఒక ఎత్తయితే.. ఈ సినిమా ప్రమోషన్స్లో ఈ జంట ప్రవర్తించిన తీరు మరొక ఎత్తు. మళ్లీ పెళ్లి సినిమాతో ఈ జంట ఇటీవల బాక్సాఫీస్ వద్ద సందడి చేసిన విషయం తెలిసిందే. ఈ సినిమా బాక్సాఫీస్ వద్ద పర్వాలేదనిపించింది.
అయితే సినిమా ప్రమోషన్స్.. సినిమా రిలీజ్ తర్వాత ఈ జంట ఇక కనిపించదని అందరూ అనుకున్నారు. కొన్నిరోజులుగా మీడియా కూడా పవిత్ర-నరేశ్లను మిస్ అవుతోంది. ఇక సోషల్ మీడియా వారియర్స్కు.. ట్రోలర్స్కు ఈ జంట గురించి కొత్తగా ట్రై చేద్దామనుకుంటే మసాలా ఏం దొరకడం లేదు. ఈ క్రమంలోనే ఈ జంట మరోసారి లైమ్ లైట్లోకి వచ్చింది. మేమున్నాం.. మేం విన్నాం అన్నట్లుగా మీడియా మనసు తెలుసుకున్నట్టుగా.. సడెన్గా సర్ప్రైజ్ ఇచ్చింది. అయితే ఈసారి ఏ సినిమా ప్రమోషన్ కోసమో.. పబ్లిక్ స్టంట్ కోసమో కాదు. ఓ ఎగ్జామ్ సెంటర్ దగ్గర కంట పడింది ఈ జంట. అదేంటి అనుకుంటున్నారా..? నిజమేనండి బాబు. ఇంతకీ అసలు స్టోరీ ఏంటంటే..?
పవిత్రా లోకేశ్.. కర్ణాటకకు చెందిన వ్యక్తి అని తెలిసిన విషయమే. అయితే పవిత్ర తన మాతృభాషలో పీహెచ్డీ చేయాలనుకుందట. అందుకోసం చాలా రోజులుగా ప్రయత్నిస్తోందట కూడా. ఇందులో భాగంగానే ఇటీవల పీహెచ్డీ పరీక్షలకు హాజరైంది. అయితే పవిత్ర ఎక్కడుంటే నరేశ్ కూడా అక్కడేగా మరి. తన ప్రేయసిని పరీక్ష రాయించేందుకు స్వయంగా నరేశ్ బళ్లారి వెళ్లాడు. అక్కడ తన ప్రేయసితో పీహెచ్డీ పరీక్ష రాయించాడు. అలా కన్నడ మీడియా కంట పడింది ఈ జంట. పవిత్ర పరీక్ష రాసే అంతవరకు నరేశ్ తన ప్రేయసి కోసం బయటే ఎదురు చూశాడట. ప్రస్తుతం ఈ న్యూస్ సోషల్ మీడియాలో తెగ వైరల్ అవుతోంది.
ఇక సోషల్ మీడియా వారియర్లకు దొరికిందే సందు అన్నట్లు వాళ్లు.. కీ బోర్డులకు పని చెప్పడం మొదలు పెట్టారు. లేటు వయసులో ఘాటు ప్రేమే అనుకున్నాం.. చాలా కలలే ఉన్నాయి ఈ జంటకు అంటూ నెటిజన్లు ట్రోల్ చేస్తున్నారు. మరికొందరేమో మాతృభాషపై ప్రేమ ఉండటం అంటే కన్నతల్లిని ప్రేమించినట్టే.. హ్యాట్సాఫ్ పవిత్రా లోకేశ్ అంటూ కామెంట్స్ చేస్తున్నారు. ఇంకొందరేమో.. నరేశ్ మాత్రం లేటు వయసులో కాలేజ్ లవ్ను ఎంజాయ్ చేస్తున్నాడని అంటున్నారు. కాలేజ్ టైంలో అయినా తన లవర్ కోసం ఇలా వెయిట్ చేశాడో లేదో కానీ.. ఇప్పుడు మాత్రం పవిత్ర కోసం ఇలా వెయిట్ చేశాడని గుసగుసలాడుకుంటున్నారు.