Pathaan First Review : బాలీవుడ్ బాద్‌షా షారూఖ్ ఖాన్ నాలుగేళ్ల విరామం తరువాత పఠాన్ సినిమా తో నేడు ప్రేక్షకుల ముందుకు వచ్చాడు.. సిద్ధార్థ్ ఆనంద్ దర్శకత్వంలో వచ్చిన ఈ యాక్షన్ ఎంటర్టైనర్ ను యశ్ రాజ్ ఫిలిమ్స్ పతాకంపై ఆదిత్య చోప్రా నిర్మించారు.. ఇప్పటికే విడుదలైన ఈ సినిమా టీజర్, పాటలు సినిమాపై భారీ అంచనాలను పెంచేశాయి.. తాజాగా ఓవర్సీర్స్ సభ్యుడు ఉమైర్ సంధు Pathaan First Review ట్విట్టర్ రివ్యూ ఇవ్వగా ప్రస్తుతం వైరల్ గా మారింది..
ఫుల్ లెంగ్త్ యాక్షన్ ఎంటర్టైనర్ గా రూపొందిన ఈ సినిమాలో షారూఖ్ ఖాన్ సరసన దీపిక పదుకొనె నటించింది. ఈ చిత్రాన్ని హిందీతో పాటు తెలుగు, తమిళ భాషల్లో ఈ సినిమా విడుదలైంది.. సాధారణంగా డైరెక్టర్ సిద్ధార్థ ఆనంద్ సినిమాలో యాక్షన్ ఎంటర్టైనర్ గా వస్తుంటాయి ఇప్పుడు షారుక్ నటించిన పఠాన్ సినిమా కూడా అదే పంథాలో వచ్చింది..
డేంజరస్ సింథటిక్ వైరస్ రిలీజ్ ను నిరోధించేందుకు ఒక అండర్ కవర్ కాపు, మాజీ నేరస్థుడు కలిసి నిర్వహించే మిషన్ నేపథ్యంలో ఈ సినిమా తెరకెక్కినట్లు ఇప్పటికే కొన్ని వార్తలు లీక్ అయ్యాయి.. ఈసారి షారుఖ్ ఖాన్ స్ట్రాటజీని మార్చేశారు. ఈ సినిమా విడుదలకు ముందే రికార్డులను క్రియేట్ చేసింది.. ఇప్పటికే అడ్వాన్స్ బుకింగ్స్ లో పాన్ ఇండియా రేంజ్ లో మూడో స్థానంలో నిలిచింది.. ఈ సినిమాలో హీరో జాన్ అబ్రహం కీలక పాత్ర పోషిస్తున్నారు. అలాగే ఈ చిత్రంలో బాలీవుడ్ కండల వీరుడు సల్మాన్ ఖాన్ కూడా గెస్ట్ రోల్ లో కనిపించనున్నాడు.. ఈ సినిమాకి విశాల్ శేఖర్ సంగీతం సమకూర్చారు.
తాజాగా ఈ చిత్రానికి సంబంధించిన ఫస్ట్ రివ్యూ సెన్సార్ బోర్డ్ సభ్యుడుగా చెప్పుకునే ఉమైర్ సందు పఠాన్ మూవీ రివ్యూ చెప్పేశారు.. పఠాన్ సినిమా పూర్తిగా మాస్ ఎంటర్టైనర్.. ఇప్పటివరకు నేను చూసిన బాలీవుడ్ చిత్రాలలో పఠాన్ ది బెస్ట్ యాక్షన్ ఎంటర్టైనర్.. ఈ సినిమాలో షారుఖ్, దీపికా పదుకొనే, జాన్ అబ్రహం పెర్ఫార్మెన్స్ హైలెట్ గా నిలిచింది.. ఈ సినిమా క్లైమాక్స్ మాత్రం నెక్స్ట్ లెవెల్ లో ఉంటుంది.. ఈ సినిమాను థియేటర్స్ లో చూస్తే మీకు గూస్ బంప్స్ రావడం ఖాయం.
బాలీవుడ్ లో పఠాన్ సినిమా బిగ్గెస్ట్ బ్లాక్ బాస్టర్ హిట్ గా నిలుస్తుంది. ఈ సినిమాకు నేను 5 స్టార్ రేటింగ్ ఇస్తున్నాను.. గతంలో ఆర్ఆర్ఆర్ సినిమాకి ఫైవ్ స్టార్ రేటింగ్ ఇచ్చాను.. మళ్ళీ ఇప్పుడు పఠాన్ సినిమా కి ఇస్తున్నాను అంటే ఈ సినిమా ఏ రేంజ్ లో ఉంటుందో మీరు ఊహించుకోవచ్చు ఆ అర్హత ఈ సినిమాకు ఉందని నాకు అనిపిస్తుంది అంటూ.. ఉమైర్ సంధు ట్విట్టర్లో రాసుకొచ్చారు.. ట్విట్టర్ వేదికగా ఎక్కువ మంది ఈ సినిమా బాగుందని కామెంట్స్ చేస్తున్నారు. ఇక కలెక్షన్ల పరంగా షారుఖ్ ఖాన్ ఎలాంటి వండర్స్ క్రియేట్ చేస్తారో చూడాలి..