మేగా కాదు.. మేఘా.. ఘా.. వొత్తు ఘా.. అంటూ తన పేరును తెలుగు తెరపై నొక్కివక్కాణించి మరీ చెప్పింది Megha Akash . నితిన్ సరసన నటించిన లై మూవీతో టాలీవుడ్లో ఎంట్రీ ఇచ్చింది ఈ క్యూటీ. ఆ తర్వాత నితిన్తోనే మరో మూవీ చల్మోహన రంగలో నటించి ప్రేక్షకులను అలరించింది.
తమిళనాడులోని చెన్నైలో అక్టోబ్ 26 1995న పుట్టింది ఈ క్యూటీ. తెలుగు, తమిళ, హిందీ భాషల్లో నటిస్తోంది. చల్మోహన రంగాలో మేఘా సుబ్రమణ్యం అనే పాత్రలో నటించిన ఈ భామ.. మేగా కాదు.. మేఘా వొత్తు ఘా అని చెప్పిన డైలాగ్ తెలుగు ప్రేక్షకుల మదిలో చిరకాలం నిలిచిపోతుంది.
శాటిలైట్ శంకర్ అనే మూవీలో సూరజ్ పంచోలితో నటించి బాలీవుడ్లో ఎంట్రీ ఇచ్చింది ఈ చెన్నై చిన్నది. 2018లో సైమా అవార్డ్సో ఉత్తమ తొలి చిత్ర కథానాయికగా నామినేట్ అయింది. ఇటు తెలుగు, అటు హిందీలో నటిస్తోన్న మేఘా రజినీ కాంత్ పెటా మూవీతో కోలీవుడ్లో అరంగేట్రం చేసింది. ఈ చిత్రంలో మేఘా నటనకు మంచి ప్రశంసలు వచ్చాయి.
గతేడాది రాజరాజ చోర, కన్నడ మూవీ దియా రీమేక్ మేఘాలో నటించి ప్రేక్షకులను మరోసారి తన నటనతో మాయ చేసింది. ప్రస్తుతం రవితేజతో కలిసి రావణాసుర అనే మూవీలో నటిస్తోంది. క్యూట్ క్యూట్గా ఉండే మేఘాకు మూడు భాషల్లో నటిస్తున్నా అంతగా అవకాశాలు మాత్రం రావడం లేదు.
ప్రేక్షకులు తనను మరిచిపోకుండా మేఘా సోషల్ మీడియాలో చాలా యాక్టివ్గా ఉంటుంది. తరచూ తన లేటెస్ట్ ఫొటోషూట్లతో ఫ్యాన్స్ని అలరిస్తుంది. మేఘా ఫొటో షూట్లలో హాట్నెస్ కంటే ఎక్కువ క్యూట్నెస్ కనిపిస్తుందని ఫ్యాన్స్ అంటుంటారు. లేటెస్ట్గా మేఘా పోస్టు చేసిన ఫొటోలు సోషల్ మీడియాలో వైరల్ అవుతున్నాయి. బ్లాక్ డ్రెస్లో మేఘా చాలా అందంగా కనిపిస్తోంది. ముద్దు ముద్దుగా ఉన్నావమ్మా మేఘా అంటూ నెటిజన్లు కామెంట్స్ చేస్తున్నారు.
