Bhola Shankar : మెగాస్టార్ చిరంజీవి వరుస సినిమాలతో బిజీగా ఉన్నాడు.. మొన్నీమధ్య సంక్రాతి కానుకగా విడుదలైన వాల్తేరు వీరయ్య సినిమాతో భారీ హిట్ ను తన ఖాతాలో వేసుకున్నాడు.. ప్రస్తుతం భోళాశంకర్ సినిమాలో నటిస్తున్నారు.. ఈ సినిమా షూటింగ్ పనుల్లో బిజీగా ఉంది. శివరాత్రి స్పెషల్ గా ఈ సినిమా నుంచి మరో అప్డేట్ ను చిత్ర యూనిట్ ప్రకటించారు. తాజాగా విడుదలైన గ్లింప్స్ ఫ్యాన్స్ కు పూనకాలు తెప్పిస్తుందనడం లో సందేహం లేదు.. కాసేపటి క్రితేమే విడుదలైన వీడియో నెట్టింట ట్రెండ్ అవుతుంది..
మెహర్ రమేష్ తెరకెక్కిస్తున్న ఈ సినిమా తమిళ హిట్ వేదాళంకి రీమేక్‌గా తెరకెక్కుతున్న సంగతి తెలిసిందే. ఈ సినిమాలో తమన్నా హీరోయిన్‌గా నటిస్తుండగా, కీర్తి సురేష్‌ చిరుకు చెల్లెలిగా నటిస్తుంది.ఏకే ఎంటర్టైన్మెంట్స్ బ్యానర్ పై అనీల్ సుంకర నిర్మిస్తున్న ఈ చిత్రం కోసం మెగా ఫ్యాన్స్ ఆసక్తిగా ఎదురుచూస్తున్నారు.. ప్రస్తుతం ఈ సినిమా షూటింగ్ శరవేగంగా జరుగుతుంది.
ఇప్పటి వరకూ రిలీజైన పోస్టర్లు సినిమాపై భారీ అంచనాలను క్రియేట్‌ చేశాయి. తాజాగా మహా శివరాత్రి సందర్భంగా భోళా శంకర్ సినిమాకు సంబంధించి మేకర్స్ “స్ట్రీక్ ఆఫ్ శంకర్” పేరుతో గ్లింప్స్‌ను వదిలారు.. ఆ వీడియోలో చిరంజీవి లుక్ తో పాటుగా జై భోలో మహా శివ అనే ఆడియో వినిపిస్తుంది.. అది ఇప్పుడు సోషల్ మీడియాలో చక్కర్లు కొడుతుంది.. ఈ సినిమాలో చిరంజీవి సౌందర్య కాంబినేషన్ లో వచ్చిన చూడాలని ఉంది సినిమాలోని రామ్మా చిలకమ్మా సాంగ్ కూడా ఉందని వార్తలు వినిపిస్తున్నాయి.. గతంలో వచ్చిన సినిమాలతో ఈ సినిమా భిన్నంగా ఉంటుందని మేకర్స్ అంటున్నారు.. మరి సినిమా ఎలాంటి టాక్ ను అందుకుంటుందో చూడాలి..