Salaar : పాన్ ఇండియా హీరో ప్రభాస్ – ప్రశాంత్ నీల్ కాంబోలో రూపొందుతున్న సినిమా సలార్. దేశం మొత్తం ఈ సినిమా కోసం ఆతృతగా ఎదురు చూస్తున్నారు. భారీ బడ్జెట్ తో అవుట్ అండ్ అవుట్ మాస్ యాక్షన్ ఎంటర్టైనర్ దర్శకుడు ప్రశాంత్ నీల్ తెరకెక్కిస్తున్నాడు. ఇక ఈ సినిమా రెండు భాగాలుగా విడుదల కానుంది. ఎంతో ప్రతిష్టాత్మకంగా వస్తున్న ఈ సినిమాలో శృతిహాసన్ హీరోయిన్ గా నటిస్తోంది. రవి బసృర్‌ సంగీతం అందిస్తున్నారు. ఇక డిసెంబర్ 22న విడుదల కాబోతున్నట్లు ఇటీవలే చిత్ర బృందం అఫీషియల్ గా అనౌన్స్ చేసింది.
ఇది ఇలా ఉంటే.. ఈ సినిమా రిలీజ్ రోజునే బాలీవుడ్ బాద్ షా షారుఖ్ ఖాన్ నటించిన కామెడీ సినిమా డుంకి కూడా అదే రోజు విడుదల కాబోతుంది. దీంతో ఈ రెండు సినిమాల మధ్య పాన్ ఇండియా లెవెల్ లో భారీ కాంపిటీషన్ ఉండొచ్చని ప్రేక్షకులు భావిస్తున్నారు. ఈ రెండు సినిమాల్లో ఏది సక్సెస్ అందుకుంటుందో అని కోట్లాది మంది ఆసక్తిగా ఎదురు చూస్తున్నారు. ఈ నేపథ్యంలో ఓ విషయంలో ప్రభాస్ .. సలార్ – షారూఖ్ .. డుంకి రికార్డును బద్దలు కొట్టింది.
ప్రముఖ టికెట్ బుకింగ్ యాప్ – బుక్ మై షో లో సలార్ మూవీకి 357కే ఇంట్రెస్ట్స్ రాగా.. షారూఖ్ ఖాన్ నటించిన డుంకీకి కేవలం 67ఇంట్రెస్టులు మాత్రమే వచ్చాయి. ఇలా సలార్, డుంకీల విషయంలో సలార్ సినిమా పట్ల ప్రేక్షకులు ఆసక్తి కనబరుస్తున్నట్లు తెలుస్తోంది. క్రిస్మస్ సందర్భంగా విడుదల కానున్న రెండు సినిమాల్లో ఏ సినిమా ఎక్కువగా ప్రేక్షకులను అలరిస్తుందో చూడాలి.