Hrithik Roshan : బాలీవుడ్ గ్రీక్ గాడ్ హృతిక్ రోషన్ అంటే అమ్మాయిలు పడిచచ్చిపోతుంటారు. ఇక అబ్బాయిలు ఈ హీరో అందం, ఫిజిక్ చుసి అసూయ పడుతుంటారు. సామాన్య ప్రేక్షకుల నుంచి బాలీవుడ్, హాలీవుడ్ హీరోయిన్ల వరకు హృతిక్ అంటే చాలా మందికి పిచ్చి.
బాలీవుడ్ మోస్ట్ ఫిట్ యాక్టర్.. ది మోస్ట్ హ్యాండ్సమ్ హంక్గా పేరు తెచ్చుకున్నాడు హృతిక్ రోషన్. కోయి మిల్ గయా సినిమాతో అరంగేట్రం చేసి ఆ తర్వాత అంచెలంచెలుగా ఎదిగాడు. వరుస అవకాశాలతో బీ టౌన్లో ఈ హీరో దూసుకెళ్తున్నాడు.
ఇక క్రిష్ ఫ్రాంచైజీతో సూపర్ హీరో అయిపోయాడు హృతిక్ రోషన్. సిల్వర్ స్క్రీన్పై క్రిష్లా పవర్ఫుల్ స్టంట్లు చేసే హృతిక్కు.. రోడ్డుపైనా రయ్రయ్ మంటూ దూసుకెళ్లడమంటే ఇష్టమట. హృతిక్ రోషన్కు కార్లంటే చాలా ఇష్టమట. అందుకే కొత్తగా ఏ కారు వచ్చినా కొనేస్తూ ఉంటాడట. చాలా రకాల లగ్జరీ కార్లు హృతిక్ గ్యారేజ్లో ఉన్నాయట. మరి అవేంటో ఓ లుక్కేద్దామా..?
హృతిక్ వద్ద రోల్స్ రాయిస్ ఘోస్ట్ సిరీస్ ఉంది. దీని ధర దాదాపు 5 కోట్ల 32 లక్షలు. 42వ పుట్టినరోజు సందర్భంగా హృతిక్ రోషన్ ఈ కారును కొనుగోలు చేశాడని సమాచారం.
Mercedes Benz S క్లాస్ కూడా హృతిక్ గ్యారేజ్లో ఉంది. దీని ఖరీదు 2 కోట్లు 80 లక్షల వరకూ ఉంటుంది.
Mercedes V క్లాస్ ను సైతం ఇంటికి ఆహ్వానించాడు బాలీవుడ్ హీరో. దీని విలువ కోటిన్నర వరకు ఉంటుందని అంచనా.
మినీ కూపర్ కన్వర్టిబుల్ కూడా హృతిక్ కలెక్షన్లో ఉంది. దీని ధర 40 లక్షల వరకూ ఉంటుంది. రోజువారీ అవసరాల కోసం హృతిక్ దీన్నే వినియోగిస్తాడని టాక్.
హృతిక్ గ్యారేజ్లో మరో ఖరీదైన కారు ఫెరారీ 360 మోడెనా కూడా ఉంది. మన దేశంలో అతి తక్కువ మంది దగ్గర ఈ కారు ఉంది. దీని ధర 4 కోట్లు.
హృతిక్ వద్ద అరుదైన 1996 నాటి ఫోర్డ్ ముస్తాంగ్ వింటేజ్ కారు కూడా ఉంది. ఈ కారు మోడల్ అందుబాటులో లేక చాలా కాలమైంది.
పోర్షే టర్బో కారుకు సైతం వెల్కమ్ చెప్పాడు హృతిక్. దీని ధర 2 కోట్ల మేర ఉంటుంది.
జెట్ స్పీడుతో దూసుకెళ్లే Maserati Spyder కూడా హృతిక్ వద్ద ఉంది. దీని విలువ రెండున్నర కోట్ల మేర ఉంటుందని అంచనా.
హృతిక్ దగ్గర Audi Q7 మోడల్ కూడా ఉంది. దీని ధర కోటి 10 లక్షల వరకు ఉంటుంది.