Pawan Kalyan : ‘గబ్బర్ సింగ్’ తరువాత పవన్ కళ్యాణ్, హరీష్ శంకర్ మరోసారి కలిసి పని చేస్తున్న సినిమా ‘ఉస్తాద్ భగత్ సింగ్’. మైత్రి మూవీ మేకర్స్ నిర్మాణంలో అట్టహాసంగా మొదలైన ఈ చిత్రం.. కేవలం ఐదు రోజుల షూటింగ్ తోనే సరిపెట్టుకుంది. పవన్ కళ్యాణ్ రాజకీయ షెడ్యూల్స్ తో బిజీ అవ్వడంతో.. హరీష్ శంకర్ ఈ సినిమాని పక్కన పెట్టేసి రవితేజతో ‘మిస్టర్ బచ్చన్’ సినిమా స్టార్ట్ చేసారు. ‘ఈసారి పర్ఫామెన్స్ బద్దలైపోద్ది’ అంటూ అదిరిపోయే గ్లింప్స్ తో పవన్ ఫ్యాన్స్ కి గబ్బర్ సింగ్ వైబ్స్ ని ఇచ్చిన హరీష్ శంకర్..
ఈ సినిమాని నిజంగానే పక్కన పెట్టేశారా అనే సందేహం ఫ్యాన్స్ నెలకుంది. అయితే మూవీని పక్కన పెట్టలేదని, బ్రేక్ మాత్రమే ఇచ్చారని.. హరీష్ శంకర్ లేటెస్ట్ ఇంటర్వ్యూ చూస్తుంటే తెలుస్తుంది. వైవా హర్షతో ఓ ఇంటర్వ్యూ చేసిన హరీష్ శంకర్.. ఉస్తాద్ భగత్ సింగ్ గురించి ఇంటరెస్టింగ్ కామెంట్స్ చేసారు. “నేను షూట్ చేసింది కేవలం ఐదు రోజులు మాత్రమే. ఆ ఐదు రోజులు ఫుటేజ్‌నే టీజర్ గా కట్ చేశాము.
12ఏళ్ళ క్రితం గబ్బర్ సింగ్ సెట్స్ ఏ వైబ్ కనిపించేదో.. ఇప్పుడు ఉస్తాద్ మూవీ సెట్స్ లో కూడా అదే వైబ్ మాకు కనిపించింది. సినిమా ఎలా ఉంటుందో నేను సినిమాతోనే చూపిస్తాను” అంటూ హరీష్ శంకర్ చెప్పుకొచ్చారు. ప్రస్తుతం ఈ కామెంట్స్ నెట్టింట వైరల్ గా మారాయి. మరి ఈ సినిమా సెట్స్ పైకి ఎప్పుడు వెళ్తుందో చూడాలి.