Kalki : దక్షిణాది చిత్ర పరిశ్రమకు ఈ ఏడాది శుభారంభం లభించింది. సంక్రాంతికి విడుదలైన హనుమాన్ సినిమా బాక్సాఫీసు దుమ్ము దులిపింది. 2024 సంవ‌త్స‌రం ఆరంభంలోనే చిన్న హీరో అయిన తేజ సజ్జా ఈ భారీ ఫీట్‌ సాధించాడు. ఈ చిత్రాన్ని జనవరి 12న విడుదల చేశారు. దీంతో పాటు సౌత్‌లోని ఇద్దరు పెద్ద సూపర్‌స్టార్ల సినిమాలు కూడా విడుదలయ్యాయి. కానీ ప్రేక్షకుల హృదయాలను ఎక్కువగా గెలుచుకున్న చిత్రం మాత్రం హనుమాన్. ఈ చిత్రానికి ప్రశాంత్ వర్మ దర్శకత్వం వహించారు. అయితే ఈ చిత్రం ఓటీటీ విడుదల కోసం అందరూ ఎదురుచూస్తున్నారు. ఈ సినిమాలో తేజ సజ్జ నటన అందరినీ ఆకట్టుకుంది. ఈ కారణంగానే చాలా మంది పెద్ద దర్శకులు ఆయనతో వర్క్ చేయాలని అనుకుంటున్నారు. ఇప్పుడు రూ.600 కోట్ల బడ్జెట్‌తో తెరకెక్కుతున్న చిత్రంలో ఆయన ఓ భాగం కాబోతున్నాడంటూ వార్త మార్మోగిపోతుంది.
పాన్ ఇండియా స్టార్ ప్రభాస్, స్టార్ హీరోయిన్ దీపికా పదుకొణె జంటగా నటించిన ‘కల్కి 2898 AD’ ఈ ఏడాది మే 9న థియేటర్లలోకి రానుంది. ఈ చిత్రంలో అమితాబ్ బచ్చన్, కమల్ హాసన్ కూడా ముఖ్య పాత్రల్లో కనిపించనున్నారు. వీరే కాకుండా చాలా మంది సూపర్ స్టార్ల అతిధి పాత్రలు పోషిస్తున్నట్లు తెలుస్తోంది. ఇందులో విజయ్ దేవరకొండ, మృణాల్ ఠాకూర్, జూనియర్ ఎన్టీఆర్, ఎస్ఎస్ రాజమౌళితో సహా పలువురు తారల పేర్లు ఉన్నాయి.
తెలుగు నటుడు తేజ సజ్జా ప్రస్తుతం తన రాబోయే చిత్రం షూటింగ్‌లో బిజీగా ఉన్నారు. అది ‘జై హనుమాన్’ కాదు. అదో యాక్షన్ థ్రిల్లర్ గా రాబోతుంది. ఈ సమాచారం ఆయనే స్వయంగా తన అభిమానులకు అందించారు. అయితే ‘హనుమాన్’ సినిమాలో తన నటనతో అందరి దృష్టిని ఆకర్షించాడు తేజ సజ్జా. ఇది 2024 సంవత్సరంలో మొదటి బ్లాక్ బస్టర్ చిత్రంగా నిలిచింది. వీరి బడ్జెట్ రూ.25 కోట్లు మాత్రమే అన్నారు. ఇప్పుడు ‘హనుమాన్’ సీక్వెల్ ‘జై హనుమాన్’ కోసం అందరూ ఎదురుచూస్తున్నారు. ఇప్పుడు అతని తదుపరి చిత్రం గురించి కూడా వార్తలు వస్తున్నాయి. తేజ సజ్జ త్వరలో ప్రభాస్ ‘కల్కి 2898 AD’లో కనిపించబోతున్నట్లు తెలుస్తోంది.
తేజ సజ్జ ఇటీవల ఇచ్చిన ఇంటర్వ్యూ నుండి ఈ రూమర్స్ మొదలయ్యాయి. ఆ సమయంలో అతడు ప్రస్తుతం కొన్ని క్రేజీ ప్రాజెక్టులలో పనిచేస్తున్నాను. నేను కూడా ఎప్పుడు ప్రకటిస్తానో అని ఎదురు చూస్తున్నాను. నా రాబోయే ప్రాజెక్ట్‌ల గురించి త్వరలో సమాచారం ఇస్తాను. అయితే తన ఆనందాన్ని సైగల ద్వారా వ్యక్తపరిచాడు. అయితే ఆ సినిమా పేరు మాత్రం వెల్లడించలేదు. అప్పటి నుండి తేజ సజ్జ ప్రభాస్ ‘కల్కి 2898 AD’లో కనిపించవచ్చని వార్తలు వచ్చాయి. అయితే అధికారిక ప్రకటన కోసం అందరూ ఎదురుచూస్తున్నారు.