Brahmani- Lakshmi Pranathi : హైదరాబాద్ లో ఫార్ములా ఈ- కార్ రేసింగ్ జరుగుతున్న సంగతి తెలిసిందే.. హుస్సేన్ సాగర్ నడిబొడ్డున ఫార్ములా ఈ- కార్ రేసింగ్ జరుగుతోంది. అంతర్జాతీయ స్థాయిలో జరుగుతున్న ఈ రేసింగ్ పోటీలను తెలంగాణ ప్రభుత్వం ప్రతిష్ఠాత్మకంగా తీసుకుంది.. ఈ కార్ రెసింగ్ ను చూడటానికి ఎక్కడెక్కడి నుంచో జనం భారీగా తరలివాస్తున్నారు.. హుస్సేన్ సాగర్ మొత్తం జనాలతో సందడిగా మారింది.
ఈ మేరకు తెలంగాణ ప్రభుత్వం విస్తృత ఏర్పాట్లు చేసింది.. సినీ, రాజకీయ ప్రముఖులు కూడా ఇక్కడ సందడి చేస్తుంది.. ముఖ్యంగా నందమూరి ముద్దుగుమ్మలు ఆకర్షనీయంగా మారారు.. ఒకే ఫ్రేమ్‌లో బ్రాహ్మణి- లక్ష్మీ ప్రణతి లను ఒకే ప్రేమ్ లో చూసిన నందమూరి ఫ్యాన్స్ ఆనందానికి అవధుల్లేవు.. ఇందుకు సంబందించిన ఫోటోలు నెట్టింట వైరల్ అవుతున్నాయి..
కాగా ప్రధాన రేస్ శనివారం, ఆదివారాల్లో (ఫిబ్రవరి 11, 12) జరగనుండగా, శుక్రవారం (ఫిబ్రవరి 10)న ప్రీ ప్రాక్టీస్‌ రేస్‌ను నిర్వహించారు. మొత్తం 11 జట్ల నుంచి 22 మంది డ్రైవర్లు ఈ ప్రీ రేస్ లో పాల్గొన్నారు. ఈ ఫార్ములా రేసింగ్ ప్రమోషన్స్ కోసం సినీతారలు సైతం దిగి వచ్చి అభిమానుల్లో జోష్‌ నింపుతున్నారు. ఈ క్రమంలో సినీ, క్రీడా రంగాలకు చెందిన పలువురు సెలబ్రిటీలు ఫార్ములా-ఇ రేసింగ్‌ను సందర్శించారు. మహేష్ బాబు సతీమణి నమ్రత, ఎన్టీఆర్ భార్య లక్ష్మీ ప్రణతితో పాటు నారా లోకేష్ భార్య నారా బ్రాహ్మణి కూడా ఈ ఈవెంట్‌లో సందడి చేశారు.
కాగా నారావారి కోడలు బ్రాహ్మణి, నందమూరి కోడలు లక్ష్మీ ప్రణతి ఒకేచోట కనిపించడం అందరినీ ఆకట్టుకుంది. వీరిద్దరూ దగ్గరి బంధులువైనా కలిసి కనిపించిన సందర్భాలు చాలా తక్కువ. అలాంటిది ఇద్దరూ ఒకేచోట కనువిందు చేయడంతో అభిమానుల ఆనందానికి అవధుల్లేకుండా పోయాయి.కాగా బ్రాహ్మణి కొడుకు దేవాన్ష్ తో కలిసి హాజరుకాగా, లక్ష్మీ ప్రణతి ఒంటరిగానే విచ్చేసింది.
సాధారణంగా తారక్ లేకుండా లక్ష్మీ ప్రణతి బయట ఎక్కువ కనిపించదు. ప్రస్తుతం నారా బ్రాహ్మణి – లక్ష్మీ ప్రణతిల ఫొటోలు, వీడియోలు సోషల్‌ మీడియాలో తెగ వైరల్ అవుతున్నాయి. నమ్రత కూడా తళుక్కుమన్నారు. ‘నాకు రేసింగ్ అంటే పెద్దగా ఇష్టముండదు. అయితే నా కొడుకు గౌతమ్ కు బాగా ఇష్టమని రేస్ చూడడానికి వచ్చానంటూ నమ్రత అంటుంది.. మొత్తానికి వీరంతా ఒకే చోట కనిపించడం తో ఫ్యాన్స్ ఫుల్ ఖుషి అవుతున్నారు..