యంగ్ రెబెల్ స్టార్ ప్రభాస్ హీరో గా నటించిన లేటెస్ట్ చిత్రం ‘ఆదిపురుష్’ విడుదల తేదీ సమీపిస్తోంది. మూవీ టీం కూడా టాలీవుడ్ నుండి బాలీవుడ్ వరకు ప్రొమోషన్స్ దద్దరిల్లిపోయేలా చెయ్యడానికి సిద్ధం అవుతున్నారు. జూన్ 6 వ తారీఖున హైదరాబాద్ లో ప్రీ రిలీజ్ ఈవెంట్ కూడా జరగబోతుంది. ఇక ఈ చిత్రం నుండి విడుదల అవుతున్న ప్రమోషనల్ కంటెంట్ కి ఆడియన్స్ నుండి ఊహించని రెస్పాన్స్ వస్తుంది.
ఇప్పటికే ‘జై శ్రీ రామ్’ లిరికల్ వీడియో సాంగ్ భారత దేశాన్ని ఊపేస్తోంది. ఎక్కడ చూసిన ఈ పాటనే ఇప్పుడు. అదే ఊపు లో గత కొద్దీ రోజుల క్రితమే విడుదలైన థియేట్రికల్ ట్రైలర్ కి కూడా రెస్పాన్స్ మామూలు రేంజ్ లో రాలేదు.ఇలా ఊహకందని రేంజ్ లో రోజు రోజుకి అంచనాలను పెంచుకుంటూ పోతున్న ఈ సినిమా నుండి మొన్ననే ‘రామ్ సీత రామ్’ వీడియో సాంగ్ విడుదల అయ్యింది.
ఈ పాటకి ఆడియన్స్ నుండి సెన్సషనల్ రెస్పాన్స్ వచ్చింది. కేవలం రెండు రోజుల్లోనే హిందీ లో 36 మిలియన్ కి పైగా వ్యూస్, తెలుగు లో 7.6 మిలియన్ వ్యూస్, తమిళం లో 1.6 మిలియన్ వ్యూస్, కన్నడ లో 1 మిలియన్ వ్యూస్ మరియు మలయాళం లో కూడా 1 మిలియన్ వ్యూస్ ని రప్పించుకుంది. మొత్తం మీద అన్నీ భాషలకు కలిపి కేవలం రెండు రోజుల్లో 48 మిలియన్ వ్యూస్ రప్పించుకుందట ఈ సాంగ్.
ఇది ప్రపంచ రికార్డు అని చెప్తున్నారు ప్రభాస్ ఫ్యాన్స్. ఇప్పటి వరకు ఒక పాటకి ఈ తక్కువ సమయం లో ఈ స్థాయి వ్యూస్ ఎప్పుడూ రాలేదని చెప్తున్నారు. అలా ఇప్పటి వరకు ఆదిపురుష్ నుండి విడుదలైన ప్రమోషనల్ కంటెంట్ మొత్తం అద్భుతంగా ఉంది, సినిమా కూడా అదే రేంజ్ లో ఉంటుందని ఆశిస్తున్నారు ఫ్యాన్స్ మరియు ప్రేక్షకులు.
