కోలీవుడ్ స్టార్ హీరో కార్తీ ఓ ఫోటోలో చాలా క్లోజు గా కనిపించడంతో ఆమె ఎవరనే దానిపై ఆయన అభిమానులు చర్చించడం మొదలు పెట్టారు. బుగ్గకు బుగ్గ ఆనిస్తూ ఒక అందాల భామ పక్కన క్లోజ్ గా ఉన్న ఫోటోని షేర్ చేశారు. దీంతో నెటిజన్లు కార్తీ ఈమె కరీనా చోప్రా అంటూ కామెంట్ పెట్టడంతో మరింత క్యూరియాసిటీ పెరిగింది.
ఇంతకీ కార్తీ పక్కన ఉన్నది ఎవరా అని కాస్త క్షుణ్ణంగా చూస్తే అది లేడి గెటప్ లో ఉన్న కమెడియన్ సంతానం అని తెలుస్తోంది. కోలీవుడ్ ఇండస్ట్రీలో స్టార్ కమెడియన్ గా ఒక వెలుగు వెలుగుతున్నారు సంతానం. ఇప్పటికి ఎన్నో చిత్రాలలో నటించి తన కామెడీతో ప్రేక్షకులను కడుపుబ్బ నవ్విస్తున్నారు. తెలుగు ప్రేక్షకులకు కూడా ఈయన గురించి తెలుసు.
గతంలో కార్తీ సినిమా కోసం అమ్మాయి గెటప్ వేసుకున్నారు. ఈ సినిమా షూటింగ్ సమయంలో అతనితో దిగిన సెల్ఫీని తాజాగా కార్తీ తన ఇన్ స్టాగ్రామ్ లో షేర్ చేశారు. దీంతో ఈ ఫోటో సోషల్ మీడియాలో తెగ వైరల్ గా మారుతోంది. సంతానం ఇప్పుడు హీరోగా కూడా మారారు. కథానాయకుడిగా బ్యాక్ టు బ్యాక్ సినిమాలు చేస్తున్నారు. 1980 జనవరి 21న ఈ కమెడియన్ జన్మించారు. 2002లో సినీ ఇండస్ట్రీలోకి అడుగుపెట్టిన సంతానం తమిళంలో ఎన్నో చిత్రాలలో నటించి మంచి విజయాలను అందుకున్నారు.
అక్కడ స్టార్ హీరోల చిత్రాలలో నటించి తన కామెడీతో విపరీతంగా ప్రేక్షకులను మెప్పించారు. ఆ తర్వాత 2013లో హీరోగా మారి పలు చిత్రాలలో నటించారు. ప్రస్తుతం సంతానం నటిస్తున్న కిక్, డిడి రిటర్న్స్ చిత్రాలలో నటిస్తూ ఉన్నారు. తెలుగులో బ్రహ్మానందం తర్వాత కోలీవుడ్లో అంతటి సేమ్ సంపాదించిన నటుడుగా పేరు సంపాదించుకున్నారు.