Salaar : యంగ్ రెబెల్ స్టార్ ప్రభాస్ నేడు ఈ స్థాయిలో ఉండడానికి ప్రధాన కారణాలలో ఒకడు రాజమౌళి. ఇది ఎవ్వరూ కాదు అనలేని నిజం. ఆయనకి కెరీర్ ప్రారంభం లో ‘ఛత్రపతి’ సినిమాతో స్టార్ స్టేటస్ ని తెప్పించడమే కాకుండా, ‘బాహుబలి ‘ సిరీస్ తో పాన్ ఇండియన్ సూపర్ స్టార్ గా కూడా నిలబెట్టాడు. ఇప్పుడు ప్రభాస్ రేంజ్ ఎలా ఉంది అంటే, ఆయన అట్టర్ ఫ్లాప్ చిత్రం మన సౌత్ ఇండియన్ సూపర్ స్టార్స్ సూపర్ హిట్ సినిమాలతో సమానంగా గ్రాస్ వసూళ్లను రాబడుతున్నాయి.
ఈ రేంజ్ బాక్స్ ఆఫీస్ స్టామినా ఆయనకీ బాహుబలి కారణంగానే వచ్చింది. దీని అంతటికి కారణం ప్రభాస్ హార్డ్ వర్క్ తో పాటుగా రాజమౌళి పాత్ర కూడా అధిక భాగం ఉంటుంది. అందులో ఎలాంటి సందేహం లేదు..కానీ అభిమానులు అలాంటి జీవితాన్ని ప్రభాస్ కి ఇచ్చిన రాజమౌళి ని నేడు బండ బూతులు తిడుతున్నారు.
అందుకు ప్రధాన కారణం రాజమౌళి అతి త్వరలోనే ‘సలార్’ మూవీ ప్రొమోషన్స్ లో భాగంగా ప్రభాస్ మరియు ప్రశాంత్ నీల్ ని ఇంటర్వ్యూ చెయ్యబోతున్నాడు. దీనికి సంబంధించిన వార్త ని నిన్న ఉదయం సోషల్ మీడియా లో లీక్ కాగా, దానికి ఫ్యాన్స్ నుండి చాలా తీవ్రమైన అసంతృప్తి సెగలు సోషల్ మీడియా అంతటా అలుముకున్నాయి. అందుకు కారణం రాజమౌళి ఇంటర్వ్యూ చేస్తే, ఆ సినిమా కచ్చితంగా అట్టర్ ఫ్లాప్ అవుతుంది అనేది చాలా మంది నమ్మకం.
ఉదాహరణకి గతం లో ప్రభాస్ హీరో గా నటించిన ‘రాధే శ్యామ్’ చిత్రం విడుదలకు ముందు ప్రభాస్ తో ఒక ఇంటర్వ్యూ చేస్తాడు. ఆ సినిమా ఎంత పెద్ద ఫ్లాప్ అయ్యిందో మన అందరికీ తెలిసిందే. అలాగే గతం లో రాజమౌళి మహేష్ బాబు ‘1 నేనొక్కడినే’ సినిమాకి కూడా సుకుమార్ ని ఇంటర్వ్యూ చేసాడు. ఆ సినిమా కూడా అట్టర్ ఫ్లాప్ అయ్యింది. ఇలా ఆయన ఇంటర్వ్యూ చేసిన సినిమాలన్నీ డిజాస్టర్ ఫ్లాప్స్ అవ్వడం తో, దయచేసి ఈ ఇంటర్వ్యూ చెయ్యకు అని కొంతమంది ప్రభాస్ ఫ్యాన్స్ రిక్వెస్ట్ చేసి అడుగుతుంటే, మరికొంతమంది ప్రభాస్ ఫ్యాన్స్ మాత్రం రాజమౌళి ని బండ బూతులు తిడుతున్నారు.