టాలీవుడ్ యంగ్ హీరో అడివి శేష్ Adivi Sesh న‌టించిన లేటెస్ట్ స‌స్పెన్స్ థ్రిల్ల‌ర్ హిట్ 2. హిట్కు సీక్వెల్గా రిలీజ్ అయిన ఈ మూవీ సూపర్ సక్సెస్ అందుకుంది. ఈ మూవీతో శేష్ డబుల్ హ్యాట్రిక్ కొట్టాడు. ఎన్టీఆర్ తర్వాత టాలీవుడ్లో డబుల్ హ్యాట్రిక్ కొట్టిన ఘనత శేష్కే దక్కింది. వైవిధ్యమైన కథలు ఎంచుకుంటూ ప్రేక్షకుల టేస్టుకు తగ్గట్టుగా శేష్ సినిమాలు చేస్తున్నాడు. చిన్న హీరోగా టాలీవుడ్లో ఎంట్రీ ఇచ్చిన శేష్.. వరుస హిట్లతో దూసుకుపోతున్నాడు. ఇటీవల మేజర్ మూవీతో పాన్ ఇండియా గుర్తింపు కూడా తెచ్చుకున్నాడు.
మొదటి సినిమా నుంచి శేష్కు మంచి ఫ్యాన్ ఫాలోయింగ్ ఉంది. కంటెంట్ ఉన్న మూవీస్కే శేష్ సై అంటాడనే పేరుంది. అందుకే ప్రేక్షకులు శేష్ సినిమా వస్తుందంటే చాలు ఫుల్ ఖుష్ అయిపోతారు. తప్పకుండా ఈ హీరో సినిమా థియేటర్కు వెళ్లి చూస్తారు. ఏ బ్యాక్గ్రౌండ్ లేకుండా ఇండస్ట్రీలో అడుగుపెట్టి తనకంటూ గుర్తింపు తెచ్చుకున్న శేష్ అంటే అమ్మాయిలకూ చాలా ఇష్టం. ఫ్యాన్ ఫాలోయింగ్లో శేష్ స్టార్ హీరోల కంటే కాస్త ముందడుగేశాడనే చెప్పాలి. ముఖ్యంగా లేడీస్ ఫాలోయింగ్లో ఏ యంగ్ హీరోకు దక్కని క్రేజ్ శేష్కు ఉంది.
ప్రస్తుతం హిట్ -2 మూవీ సక్సెస్ను ఎంజాయ్ చేస్తున్నాడు శేష్. ప్రమోషన్స్, సక్సెస్ పార్టీలతో బిజీ బిజీగా ఉన్నాడు. ఇక సోషల్ మీడియాలో శేష్ హవా మామూలుగా లేదు. అమ్మాయిలైతే ఈ మూవీలో శేష్ క్యారెక్టర్ను, యాక్టింగ్ను తెగ పొగిడేస్తున్నారు. కొందరైతే సామాజిక మాధ్యమాలు వేదికగా ప్రపోజ్ కూడా చేసేస్తున్నారు. ఓ అమ్మాయితే శేష్ని ఏకంగా డేట్కి వెళ్దామా అని అడిగేసింది.
ఆ అమ్మాయికి శేష్ ఇచ్చిన రిప్లై చూసి ఆమెతో పాటు మిగతా అమ్మాయిలు కూడా ఫిదా అయ్యారు. ఇంతకీ శేష్ ఏం అన్నాడంటే.. “శేష్ మనం డేట్కి ఎప్పుడు వెళ్దాం” అని ఓ అమ్మాయి శేష్కి సోషల్ మీడియా వేదికగా మెసేజ్ చేసింది. దానికి శేష్ రియాక్ట్ అవుతూ..” ఇదిగో ఇప్పుడే వచ్చేస్తున్నా.. మనం ఇద్దరం కలిసి హిట్-2 మూవీ చూసేద్దామంటూ అని రిప్లై ఇచ్చాడు. శేష్ కొంటె రిప్లైకి సోషల్ మీడియా నెటిజన్లు ఫిదా అయ్యాయి.
మరో నెటిజ‌న్ .. “హిట్ యూనివ‌ర్స్‌లోకి మహేశ్ బాబు ఎంట్రీ ఇస్తే నెక్ట్స్ లెవ‌ల్‌కు వెళ్లిపోతుంద‌ని అన్నాడు. ఓ మంచి స‌స్పెన్స్ థ్రిల్ల‌ర్ లైన్ రాసి మహేశ్ అన్న‌తో చేయండ‌న్న.. అది నా కోరిక అని చెప్పాడు”. దానికి వెంట‌నే శేష్ స్పందిస్తూ.. “ఈ రోజు ఉద‌య‌మే ఆయ‌న ఫోన్ చేసి చాలా సేపు మాట్లాడారు. నా విష‌యంలో ఆయ‌న గ‌ర్వంగా ఫీల‌వుతున్నాన‌ని చెప్పారు. ఆ వెంట‌నే నా క‌ళ్ల‌లో నీళ్లు తిరిగాయ‌ని” శేష్ చెప్పాడు.
మహేశ్ బాబు ఎప్పుడు నా బ్రదర్లా వెన్నంటే ఉంటాన‌ని చెప్పార‌ని.. ఆయ‌న‌కు హిట్ 2 సినిమా ఎప్పుడెప్పుడు చూపించాలా అని ఆస‌క్తితో వెయిట్ చేస్తున్నాన‌ని శేష్ అన్నారు. ఇక అడివి శేష్ తోమహేశ్కు ప్రత్యేక అనుబంధం ఉంది. గూఢ‌చారి సినిమా ట్రైల‌ర్‌తో మెస్మ‌రైజ్ అయిన మహేశ్.. శేష్ హీరోగా మేజర్ సినిమాను నిర్మించారు. ఈ మూవీ కూడా సూపర్ హిట్ అయ్యింది.