Nabha Natesh : కన్నడ బ్యూటీ నభా నటేష్ గురించి తెలుగు ప్రేక్షకులకు పెద్దగా పరిచయం అక్కర్లేదు. ఈ భామ సుధీర్ బాబుతో కలిసి నటించిన నన్ను దోచుకుందువటే సినిమాతో టాలీవుడ్లో అరంగేట్రం చేసింది. ఆ సినిమాలో ఈ భామ నటనకు మంచి మార్కులే పడ్డాయి. కానీ ఆ చిత్రం అంతగా సక్సెస్ కాలేదు.
ఈ మూవీ తర్వాత నభా రామ్ పోతినేనితో కలిసి పూరీ జగన్నాథ్ డైరెక్షన్లో వచ్చిన ఇస్మార్ట్ శంకర్ సినిమాలో సందడి చేసింది. ఈ మూవీలో అచ్చమైన తెలంగాణ పిల్లలాగా తెలంగాణ యాసలో మాట్లాడుతూ చాందిని క్యారెక్టర్లో అదరగొట్టింది. ఇస్మార్ట్ శంకర్ ఎంతటి బ్లాక్ బస్టర్ హిట్ అయిందో తెలిసిందే.
ఇస్మార్ట్ శంకర్ సినిమాతో ఫుల్ పాపులారిటీ పొందిన నభా ఆ తర్వాత సినిమాలకు తన రెమ్యునరేషన్ అమాంతం పెంచేసింది. అయితే దీపం ఉండగానే ఇల్లు చక్కబెట్టుకోవాలన్న సామెతను నిజం చేసే క్రమంలో ఈ భామ కాస్త అతి చేయడంతో నిర్మాతలు ఈ బ్యూటీకి బైబై చెప్పి వేరే హీరోయిన్లను తీసుకునే వారు. దానివల్ల నభాకు తెలుగులో అవకాశాలు తగ్గాయి.
ఇక అడపాదడపా అవకాశాలు వచ్చాయి కానీ సరైన హిట్ మాత్రం ఒక్కటి రాలేదు. ఈ భామ తెలుగులో చివరగా మ్యాస్ట్రో సినిమాలో కనిపించింది. ఆ తర్వాత ఏ సినిమాకు సైన్ చేయలేదు.ప్రస్తుతం నభా వెకేషన్ మూడ్లో ఉంది. ఈ బ్యూటీ సమ్మర్ వెకేషన్లో భాగంగా నేపాల్ను చుట్టొస్తోంది. నేపాల్లోని పోక్రా హిల్టాప్లో నభా జాలీగా గడుపుతోంది. బ్లాక్ కలర్ క్యాజువల్ ఔట్ఫిట్లో నభా ప్రకృతిలో పరవశించిపోతోంది.
తన వెకేషన్కు సంబంధించిన ఫొటోలను ఈ భామ తన సోషల్ మీడియాలో పోస్టు చేసింది. ఫొటోల కింద కభీ కభీ మేరే దిల్ మే.. ఖయాల్ ఆతా హై అనే పాటలోని లిరిక్స్ను క్యాప్షన్గా జోడించింది. ఈ ఫొటోలు కాస్త ఇప్పుడు నెట్టింట వైరల్ అవుతున్నాయి. ఈ ఫొటోల్లో నభా బ్లాక్ డ్రెస్సులో కనిపించింది. బ్లాక్ ప్యాండ్ అండ్ టాప్పైన బ్లూ కలర్ జాకెట్తో కనిపించింది. జాకెట్ను నడుముకు కట్టుకుని క్యాజువల్ లుక్లో పోజులిచ్చింది. రా లుక్లో నభా అదిరిపోయింది.
నభా తాజాగా షేర్ చేసిన ఫొటోల్లో మేకప్ లేకుండా కనిపించడంతో అభిమానులు సర్ప్రైజ్ అవుతున్నారు. ఇస్మార్ట్ పిల్ల మేకప్ లేకపోయినా క్యూట్గా ఉందంటూ కామెంట్లు చేస్తున్నారు. అందం, అభినయం ఉంటే సరిపోదు.. అదృష్టం కూడా ఉంటేనే రాణించగలం.. నభాని చూస్తే అదృష్టం చాలా అవసరం అనిపిస్తోంది అంటూ నెటిజన్లు కామెంట్లు చేస్తున్నారు. త్వరలోనే నభా స్ట్రాంగ్ కమ్బ్యాక్ ఇవ్వాలని కోరుకుంటున్నాం అంటూ కామెంట్లు పెడుతున్నారు.