Project – K ప్రభాస్ ప్రస్తుతం చేస్తున్న సినిమాలలో అభిమానులు మరియు ప్రేక్షకులు ఎంతో ఆత్రుతతో ఆసక్తితో ఎదురు చూస్తున్న చిత్రం ‘ప్రాజెక్ట్ K’.ఆసక్తికరమైన కథాంశం తో మహానటి దర్శకుడు నాగ అశ్విన్ తెరకెక్కిస్తున్న ఈ చిత్రాన్ని వైజయంతి మూవీస్ సుమారుగా 500 కోట్ల రూపాయిల ఖర్చు తో నిర్మిస్తుంది. దీపికా పాడుకొనే మరియు అమితాబ్ బచ్చన్ లాంటి సూపర్ స్టార్స్ కూడా ఇందులో నటిస్తున్నారు.
మహాభారతం లోని కురుక్షేత్రం అంకం లోకి టైం మెషిన్ ద్వారా వెళ్లే కథాంశం తో ఈ చిత్రాన్ని డైరెక్టర్ నాగ అశ్విన్ తెరకెక్కిస్తున్నాడని తెలుస్తుంది. కురుక్షేత్ర సంగ్రామం కి వెళ్లే ప్రాజెక్ట్ కాబట్టి, ఈ చిత్రానికి ప్రాజెక్ట్ K అని నామకరణం చేసినట్టు తెలుస్తుంది. అయితే ఈ సినిమాకి సంబంధించి ఒక ఆసక్తికరమైన వీడియో ఒకటి నేడు మూవీ టీం విడుదల చేసింది. ఈ వీడియో లో విలన్ లుక్ ఎలా ఉంటుందో చూపించారు.
ఇంగ్లీష్ సినిమాలలో మార్వెల్ సూపర్ హీరోస్ మరియు సూపర్ విలన్స్ ఎలా అయితే ఉంటారో, అలానే ఈ చిత్రం లో కూడా ఉండబోతునట్టుగా చూపించారు. ఈ చిత్రం లో విలన్ గా బాలీవుడ్ కి చెందిన కొత్త నటుడు నటిస్తున్నాడు. ఆసక్తికరంగా ఉన్న ఆ మేకింగ్ వీడియో, విలన్ పాత్ర కి సంబంధించిన స్కెచెస్ ని మీరు ఈ క్రింది వీడియో లో చూడొచ్చు.
Who are the raiders?
— Vyjayanthi Movies (@VyjayanthiFilms) April 10, 2023
‘𝐅𝐫𝐨𝐦 𝐒𝐤𝐫𝐚𝐭𝐜𝐡 𝐄𝐩 𝟐: 𝐀𝐬𝐬𝐞𝐦𝐛𝐥𝐢𝐧𝐠 𝐓𝐡𝐞 𝐑𝐚𝐢𝐝𝐞𝐫𝐬’:https://t.co/AUC8ODQ5tK#ProjectK #Prabhas @SrBachchan @deepikapadukone @nagashwin7 @VyjayanthiFilms pic.twitter.com/D4Thqdd8QW
సరికొత్త పద్దతి లో డైరెక్టర్ నాగ అశ్విన్ ఈ సినిమాకి సంబంధించిన ప్రొమోషన్స్ ని చూసుకుంటున్నాడు. ఇది వరకే ఈ చిత్రం సంక్రాంతి కానుకగా జనవరి 12 వ తేదీన విడుదల కాబోతున్నట్టుగా అధికారిక ప్రకటన చేసారు. ఇప్పుడు అదే తేదీన విడుదల అవుతుందా లేదా అనేది పెద్ద ప్రశ్న. ఇప్పటి నుండే మేకింగ్ వీడియోస్ వంటివి వదులుతున్నారంటే కచ్చితంగా జనవరి 12 వ తేదికి ఈ చిత్రాన్ని విడుదల చెయ్యడానికి రెడీ అవుతున్నట్టే లెక్క అని ఫ్యాన్స్ అనుకుంటున్నారు. మరి మేకర్స్ మైండ్ లో ఏముందో చూడాలి.