బాహుబలి, ఆర్ఆర్ఆర్, కేజీఎఫ్, కాంతార సినిమాలతో సౌత్ ఇండస్ట్రీ వైపు యావత్ ప్రపంచం చూస్తోంది. ముఖ్యంగా ఆర్ఆర్ఆర్ చిత్రంతో ఒక్కసారిగా టాలీవుడ్ రేంజ్ మారిపోయింది. హాలీవుడ్ ప్రముఖులు కూడా టాలీవుడ్ వైపు చూస్తున్నారు. ఇక తెలుగు సినిమా ఇండస్ట్రీకి ప్రపంచ వ్యాప్తంగా వస్తున్న గుర్తింపు చూసి.. చాలా మంది టాలీవుడ్లో ఒక్క ఛాన్స్ వస్తే చాలని అనుకుంటున్నారు. అందుకే పాత్ర చిన్నదైనా.. ఆ పాత్ర అంతగా సినిమాలో ప్రభావం చూపకపోయినా.. ఇతర భాషల్లో టాప్ స్టార్లుగా పేరుపొందిన వారు కూడా తెలుగు సినిమాలో నటించేందుకు ఓకే చెప్పేస్తున్నారు. ఇక కొందరైతే ఏకంగా స్పెషల్ సాంగ్స్ చేయడానికి కూడా సరే అంటున్నారు. అందులో ఒకరే బాలీవుడ్ బ్యూటీ ఉర్వశి రౌటేలా.
ఊర్వశి రౌటేలా బాలీవుడ్లో పలు సినిమాల్లో నటించింది. కానీ అక్కడ అంతగా ప్రభావం చూపలేకపోయింది. తరచూ లైమ్ లైట్లో కనిపిస్తూ.. సోషల్ మీడియాలో కవ్వించే ఫొటోలు పెడుతూ.. ఇక క్రికెటర్ రిషబ్ పంత్ను స్టాక్ చేస్తూ.. ఇలా రకరకాల కారణాలతో నిత్యం లైమ్ లైట్లో ఉంటుంది. అయితే ఈ భామ ప్రస్తుతం తన ఫోకస్ కెరీర్పై పెట్టింది. ముఖ్యంగా టాలీవుడ్లో తన సత్తా చాటాలని తాపత్రయ పడుతోంది. కానీ తెలుగు ఇండస్ట్రీలో ఈ భామకు సినిమా అవకాశాలు మాత్రం రావడం లేదు. కానీ స్పెషల్ సాంగ్స్లో నటించేందుకు మాత్రం బోలెడు ఛాన్సులు వస్తున్నాయి.
ప్రస్తుతం ఇండస్ట్రీలో హాట్ గ్లామరస్ బ్యూటీగా చక్రం తిప్పుతోంది ఊర్వశి. తన అందం, అభినయంతో నార్త్, సౌత్ అని సంబంధం లేకుండా ఆడియెన్స్ను ఆకట్టుకుంటోంది. గత కొద్ది కాలంగా సౌత్ ఇండస్ట్రీపై ఎక్కువ ఫోకస్ పెట్టి.. ఇక్కడ వరుస ఆఫర్స్ను అందుకుంటోంది. ఇక టాలీవుడ్లో ఇటీవల ఈ భామ.. స్పెషల్ సాంగ్స్కు కేరాఫ్ అడ్రస్గా మారిపోయింది. ముఖ్యంగా తెలుగులో గ్లామర్ సాంగ్స్తో ఆకట్టుకుంటూ యూత్లో ఫుల్ క్రేజ్ సంపాదించుకుంటోంది.
ఈ ఏడాది మెగాస్టార్ చిరంజీవి ‘వాల్తేరు వీరయ్య’ సినిమాలో బాసు వేర్ ఈజ్ ది పార్టీ అంటూ కుర్రాళ్లకు కిక్కెక్కించిన ఈ ముద్దుగుమ్మ. ఈ చిత్రంలో ఆ పాటలో ఈ భామ బ్యూటీకి.. డ్యాన్స్కు తెలుగు యువత ఫిదా అయింది. ఇక ఆ మూవీ తర్వాత ఐదు నెలలో గ్యాప్లో ‘ఏజెంట్’గా వచ్చిన అక్కినేని అఖిల్తో కలిసి ‘వైల్డ్ సాలా’ అంటూ చిందులేసింది. ఈ పాటతో ఊర్వశి యూత్లో మరింత పాపులారిటీని పెంచుకుంది. ఈ రెండు పాటలతో తెలుగు ఇండస్ట్రీలో స్పెషల్ సాంగ్స్ కేరాఫ్ అడ్రస్గా మారింది ఊర్వశి. అందుకే బోయపాటి శ్రీను డైరెక్షన్లో రామ్పోతినేని హీరోగా తెరకెక్కుతున్న సినిమాలో కూడా మరో ఛాన్స్ కొట్టేసింది ఈ బ్యూటీ.
ఈ భామ ప్రయాణం అక్కడితో ఆగలేదు. టాలీవుడ్లో మొదటి సినిమాలోనే చిరంజీవితో స్టెప్పులేసిన ఊర్వశి.. ఇప్పుడు చిరు బ్రదర్.. పవర్ స్టార్ పవన్ కల్యాణ్తో చిందులేసేందుకు రెడీ అయింది. పవన్ కల్యాణ్, సాయి ధరమ్ తేజ్ మల్టీస్టారర్గా తెరకెక్కుతున్న బ్రో మూవీలో ఓ స్పెషల్ సాంగ్ ఉందట. పబ్ నేపథ్యంలో వచ్చే ఈ సాంగ్ కోసం భారీ సెట్ రెడీ చేస్తున్నారట. ఇక ఈ సాంగ్లో పవన్, సాయిధరమ్ తేజ్లతో కలిసి స్టెప్పులు వేసేందుకు ఊర్వశి రౌటేలాను సెలెక్ట్ చేసిందట చిత్ర బృందం. ఇలా.. వరుసగా స్పెషల్ సాంగ్స్తో ఊర్వశి రౌటేలా.. టాలీవుడ్లో మకాం వేసేందుకు రెడీ అవుతోంది. ఇక ఇప్పుడు తెలుగు ఇండస్ట్రీలో ఎక్కడ చూసిన ఈ బ్యూటీ పేరే వినిపిస్తోంది మరి.