బాలీవుడ్ బ్యూటీ ఊర్వశి రౌతేలా గురించి తెలుగు ప్రేక్షకులకు కొత్తగా పరిచయం చేయాల్సిన అవసరం లేదు. ఇప్పటి వరకు పలు సినిమాల్లో నటించిన ఈ మాజీ విశ్వ సుందరి స్టార్ హీరోయిన్ హోదని మాత్రం పొందలేకపోయింది. ఇక టాలీవుడ్ లో హీరోయిన్ గా చెయ్యకపోయినా .. కేవలం స్పెషల్ సాంగ్స్ తోనే ఫుల్ క్రేజ్ ని సొంతం చేసుకుంది. మెగా స్టార్ చిరంజీవి నటించిన వాల్తేరు వీరయ్య సినిమాలో కూడా బాస్ వేర్ ఈస్ ది పార్టీ అంటూ అదిరిపోయి స్టెప్పులు వేసి కుర్రకారు హృదయాలను కొల్లగొట్టింది.
ఇకపోతే 76వ కేన్స్ ఫిల్మ్ ఫెస్టివల్ ఫ్రాన్స్లో అట్టహాసంగా జరిగిన విషయం తెలిసిందే. ఈ వేడుకలలో తన అందాలతో అందరి హృదయాలను వశం చేసుకుంది ఊర్వశీ. పింక్ గౌను ధరించిన ఈ బ్యూటీ మెడలో మొసలి నెక్లెస్ తో ప్రత్యేక ఆకర్షణ గా నిలిచింది. కాగా ఆమె ధరించిచన మొసలి నెక్లెస్ నకిలీదని కామెంట్స్ వచ్చాయి. తాజాగా ఈ ట్రోల్స్ పై ఊర్వశీ పీఆర్ టీమ్ క్లారిటీ ఇచ్చింది. ఆమె ధరించిన నెక్లెస్ విలువ రూ. 276 కోట్లు అని చెప్పడంతో అందరూ ఒక్కసారిగా షాక్ అవుతున్నారు.
ఆమె ధరించిన ఆభరణాలపై సోషల్ మీడియాలో పెద్ద చర్చే జరగగా.. మరి ముఖ్యంగా ఫేక్ నెక్లెస్ అంటూ ట్రోల్స్ వచ్చాయి. దీంతో ఆమె టీమ్ స్పందిస్తూ.. ఆ నెక్లెస్ ధర రూ. 276 కోట్లు అని.. అది ఆమె ఫ్యాషన్ అభిరుచిని తెలుపుతుందని.. మహిళలు ఎదుర్కొనే సవాళ్లు, విజయాలు రెండింటికి ఇది చిహ్నం అని పేర్కొంది. మొసలి నెక్లెస్ అన్ని కోట్లా అని అంతా ఆశ్చర్యపోతున్నారు.
ఈ వేడుకలలో ఊర్వశితో పాటు హీరోయిన్ ఐశ్వర్య రాయ్ సైతం తన కాస్ట్యూమ్స్ తో స్పెషల్ అట్రాక్షన్ అయ్యింది. వెండి గౌనులో విభిన్నంగా కనిపించింది అందరి దృష్టిని ఆకర్షించింది. ఇక ఊర్వశి రౌతేలా ప్రస్తుతం రామ్ పోతినేని బోయపాటి శ్రీను కాంబినేషన్ లో రాబోతున్న సినిమాలోనూ ఒక స్పెషల్ సాంగ్ చేస్తుంది. చూడాలి మరి ఆ సాంగ్ తో ఇంకెంత మంది హృదయాలను ఈ భామ దోచుకుంటుందో అని.