Tamannaah : తమన్నా భాటియా దగ్గర ప్రపంచంలోనే ఐదో అతిపెద్ద డైమండ్ రింగ్ ఉందన్న వార్త ఇప్పుడు వైరల్ అవుతోంది. నిజానికి ఇది పాతదే అయినా.. సోషల్ మీడియాలో దానికి సంబంధించిన ఫొటోలు ఇప్పుడు చెక్కర్లు కొడుతున్నాయి. ఆ డైమండ్ విలువ రూ.2 కోట్లని కూడా నెటిజన్లు చర్చించుకుంటున్నారు. ఇక్కడ మరో విశేషం ఏమిటంటే.. ఆ డైమండ్ రింగ్ తమన్నాకు గిఫ్ట్ గా రావడం.
![Tamannaah](https://cdn.telugucinematoday.com/wp-content/uploads/2023/07/tamanna-3-1024x768.webp)
ఆ గిఫ్ట్ ఇచ్చింది మరెవరో కాదు.. మెగా పవర్ స్టార్ రామ్ చరణ్ భార్య ఉపాసన కామినేని అట. అది కూడా ఇప్పుడు కాదు.. నాలుగేళ్ల కిందట 2019లో కావడం విశేషం. ఈ డైమండ్ అంత ధర పలకడానికి దాని లుక్ కూడా కారణం. అద్భుతమైన షేప్ లో ఉన్న ఆ డైమండ్.. తమన్నా వేలికి మెరిసిపోతోంది. సైరా నరసింహారెడ్డి మూవీలో తమన్నా నటనకు మెచ్చిన ఉపాసన అప్పట్లో ఈ డైమండ్ రింగును తమన్నాకు ఇచ్చినట్లు సమాచారం. ఈ సినిమాను కొణిదెల ప్రొడక్షన్ కింద రామ్ చరణే తెరకెక్కించాడు. 2019లో వచ్చిన ఈ సినిమా మంచి హిట్ టాక్ సొంతం చేసుకుంది. బాక్సాఫీస్ దగ్గర కూడా భారీగానే కలెక్షన్లను రాబట్టింది.
![](https://cdn.telugucinematoday.com/wp-content/uploads/2023/07/tamanna1-3-jpg.webp)
తాను ఇచ్చిన డైమండ్ రింగుతో తమన్నా ఉన్న ఫొటోను అప్పట్లో ఉపాసన ట్వీట్ చేసింది. సూపర్ తమన్నాకు మిసెస్ ప్రొడ్యూసర్ ఇచ్చిన గిఫ్ట్ అంటూ ఉపాసన ఈ డైమండ్ రింగ్ విషయాన్ని వెల్లడించింది. చాలా భారీ సైజులో ఉన్న ఈ డైమండ్ చూడగానే అట్రాక్ట్ చేస్తోంది. ఈ ఇద్దరూ ఒకరినొకరు మిస్ అవుతున్నట్లు ట్వీట్లు చేసుకున్నారు. ఆ ఫొటోలు ఇప్పుడు సోషల్ మీడియాలో మరోసారి తెరపైకి వచ్చాయి. తమన్నా దగ్గర ఈ డైమండ్ రింగ్ ఒక్కటే కాదు.. మరిన్ని ఖరీదైన నగలు కూడా ఉన్నాయి. అందులో అత్యంత అరుదైన మరికొన్ని డైమండ్ రింగ్స్ కూడా ఉన్నాయి.