Bigg Boss : ఈ సీజన్ బిగ్ బాస్ హౌస్ లో ఫైర్ క్రాకర్ లాగ అడుగుపెట్టిన కంటెస్టెంట్ రతికా రోజ్. ఆరంభం లో ఈమె మెమరీ పవర్ మరియు ఆట తీరు చూసి కచ్చితంగా టాప్ 5 కంటెస్టెంట్స్ లో ఒకరిగా ఉంటుందని అందరూ అనుకున్నారు. కానీ కనీసం నాలుగు వారాలు కూడా హౌస్ లో ఉండలేకపోయింది. ఆ తర్వాత ఆరవ వారం లో ఈమెకి వైల్డ్ కార్డు ఎంట్రీ ద్వారా హౌస్ లోకి రీ ఎంట్రీ ఇచ్చే అవకాశం దక్కింది.
ఈమె రీ ఎంట్రీ పై హౌస్ మేట్స్ తో పాటుగా, ఆడియన్స్ కూడా ఒక రేంజ్ లో అంచనాలు పెట్టుకున్నారు. కచ్చితంగా దుమ్ము లేపేస్తాది, టాప్ 5 లోకి ఎంటర్ అవుతుంది అనుకున్నారు. కానీ రీ ఎంట్రీ తర్వాత కూడా అదే సచ్చు ఆటని కొనసాగించడం తో ఈ వారం డబుల్ ఎలిమినేషన్ లో ఎలిమినేట్ అయ్యింది.
పల్లవి ప్రశాంత్ తన దగ్గర ఉన్న ‘ఏవిక్షన్ పాస్’ ని ఉపయోగించి తనని సేవ్ చేస్తుందేమో అని రతికా ఆశ పడింది. కానీ ప్రశాంత్ మాత్రం 14 వ వారం లోనే ఆ పాస్ ని ఉపయోగిస్తాను అని చెప్పడం తో రతికా నిరాశ చెందింది. ఇదంతా పక్కన పెడితే రతికా కి బిగ్ బాస్ హౌస్ లోకి అడుగుపెట్టకముందే సినిమాల్లో అవకాశాలు రావడం మొదలెట్టాయి.
రీసెంట్ సూపర్ హిట్ ‘భగవంత్ కేసరి’ లో కూడా ఆమె ఒక ముఖ్య పాత్ర పోషించింది. అలా అవకాశాలు వస్తున్న సమయం లో రీ ఎంట్రీ ఇచ్చింది కాబట్టి, రెమ్యూనరేషన్ కూడా భారీ గానే డిమాండ్ చేసిందట. వారానికి రెండు లక్షల చొప్పున, ఆరు వారాలు హౌస్ లో కొనసాగినందుకు గాను ఆమె 12 లక్షల రూపాయిల రెమ్యూనరేషన్ ని ఈ రీ ఎంట్రీ లో అందుకున్నట్టు వార్తలు వినిపిస్తున్నాయి.
