హీరోలతో సరిసమానమైన ఇమేజి సంపాదించిన అతి తక్కువ మంది హీరోయిన్స్ లో ఒకరు రంభ. ఈమె అసలు పేరు విజయ లక్ష్మి. సినిమాల్లోకి వచ్చిన తర్వాత రంభ గా పేరు మార్చుకుంది. ఈమె విజయవాడ కి చెందిన అచ్చ తెలుగు అమ్మాయి. గ్టలీవుడ్ లో తెలుగు అమ్మాయిలు మన ఇండస్ట్రీ లో హీరోయిన్ గా సక్సెస్ అయ్యి పెద్ద స్టార్ స్టేటస్ ని సంపాదించుకోవడం అనేది చాలా అరుదుగా జరుగుతూ ఉంటుంది. రంభ విషయం లో కూడా అది జరిగింది.
ఈవీవీ సత్యనారాయణ తెరకెక్కించిన ‘ఆ ఒక్కటి అడక్కు’ అనే సినిమా ద్వారా ఈమె ఇండస్ట్రీ కి పరిచయం అయ్యింది. ఆ సినిమా అప్పట్లో భారీ బ్లాక్ బస్టర్ హిట్ గా నిల్చింది. ఇక ఆ తర్వాత రంభ వెనక్కి తిరిగి చూసుకోవాల్సిన అవసరం రాలేదు. వరుసగా స్టార్ హీరోల సరసన నటించి అతి తక్కువ సమయం లోనే స్టార్ హీరోయిన్ గా ఎదిగింది.
అందం లోను , డ్యాన్స్ లోను మరియు నటనలోనూ ఈమెకి సాటి వచ్చిన హీరోయిన్స్ ఇప్పటికీ లేరు. సినిమాలు వద్దు అనుకోని రిటైర్ అయ్యింది కానీ, లేకపోతే ఇప్పటికీ కూడా ఆమె హీరోయిన్ గా కొనసాగుతూ ఉండేది అనడం లో ఎలాంటి అతిశయోక్తి లేదు. అయితే ఈమె టాలీవుడ్ లో నటించినన్ని రోజులు హద్దులు మీరకుండా, ఒక తెలుగు అమ్మాయి నటిస్తే ఎలా ఉంటుందో అలాగే నటించింది. అందాలు ఆరబొయ్యడం వంటివి ఎక్కువ చెయ్యలేదు. కానీ ఎప్పుడైతే బాలీవుడ్ లోకి అడుగుపెట్టిందో అప్పుడు తప్పనిసరి పరిస్థితి లో అందాలను ఆరబొయ్యల్సి వచ్చిందట.
తెలుగు లో పెద్ద బ్లాక్ బస్టర్ హిట్ గా నిల్చిన అక్కినేని నాగార్జున ‘హలో బ్రదర్’ చిత్రాన్ని హిందీ లో సల్మాన్ ఖాన్ ‘జుద్వా’ అనే పేరు తో రీమేక్ చేసాడు. ఇక్కడ ఎంత పెద్ద హిట్ అయ్యిందో అక్కడ కూడా అంతే పెద్ద హిట్ అయ్యింది. కానీ ఈ చిత్రం లో ఆమెకి ఇష్టం లేకపోయినా కూడా హద్దులు దాటి అందాలను ఆరబోయాల్సి వచ్చిందట, ఈ విషయాన్ని స్వయంగా రంభ ఒక ఇంటర్వ్యూ లో తెలిపింది. కొన్ని కొన్ని సార్లు మనకి ఇష్టం లేని పనులు కమిట్మెంట్ వల్ల చెయ్యాల్సి వస్తుందని, అలా చేసిన సినిమానే ఇది అంటూ చెప్పుకొచ్చింది.