Ram Charan : అక్కినేని ఫ్యామిలీ నుండి మూడవ తరం హీరోలలో యూత్ ఆడియన్స్ లో మంచి క్రేజ్ ని దక్కించుకున్న నటుడు అక్కినేని నాగ చైతన్య. తన తండ్రి లాగానే ఇతను కూడా ఇండస్ట్రీ లో తనకంటూ ఒక మార్క్ ని ఏర్పాటు చేసుకున్నాడు. ఏ డైరెక్టర్ కి అయినా ఒక మంచి లవ్ స్టోరీ చెయ్యాలంటే ఇప్పుడు ఉన్న హీరోలలో నాగ చైతన్య దగ్గరకే వెళ్తారు. అలాంటి బ్రాండ్ ఇమేజి ని ఏర్పాటు చేసుకున్నాడు ఆయన.
అయితే గత కొంత కాలం గా నాగ చైతన్య కి సరైన హిట్ లేదు. ‘బంగార్రాజు’ చిత్రం తర్వాత ఆయన చేసిన సినిమాలన్నీ అట్టర్ ఫ్లాప్ అయ్యాయి. దీంతో నాగ చైతన్య మార్కెట్ బాగా డౌన్ అయ్యింది. కానీ రీసెంట్ గా విడుదలైన ‘దూత’ అనే వెబ్ సిరీస్ అమెజాన్ ప్రైమ్ లో విడుదలై పెద్ద బ్లాక్ బస్టర్ హిట్ అయ్యింది.
ఇండియాలోనే అత్యధిక మంది చూసిన వెబ్ సిరీస్ లిస్ట్ లో చేరబోతోంది ఈ బ్లాక్ బస్టర్ సిరీస్. ఒకవిధంగా నాగ చైతన్య ఇమేజి ని ఆడియన్స్ లో కాపాడిన సిరీస్ గా దూత ని చెప్పుకోవచ్చు. ఈ చిత్రం తర్వాత నాగ చైతన్య చందు మొండేటి దర్శకత్వం లో ‘తండేల్’ అనే భారీ బడ్జెట్ సినిమా చేస్తున్నాడు. గీత ఆర్ట్స్ బ్యానర్ లో అల్లు అరవింద్ ఈ చిత్రాన్ని సుమారు 150 కోట్ల రూపాయిల బడ్జెట్ తో తెరకెక్కిస్తున్నాడు.
సాయి పల్లవి హీరోయిన్ గా నటించిన ఈ సినిమా మత్యకారుల జీవితాన్ని ఆధారంగా తీసుకొని తెరకెక్కిస్తున్నారు. ముందుగా ఈ చిత్రాన్ని మెగా పవర్ స్టార్ రామ్ చరణ్ తో చెయ్యాలని అనుకున్నారు. కానీ రామ్ చరణ్ ప్రస్తుతం కమిట్ అయినా సినిమాల కారణంగా ఈ చిత్రం నాకంటే నాగ చైతన్య కి అవసరం, అతని కెరీర్ మరోలెవెల్ కి వెళ్తుంది ఈ సినిమా తర్వాత అని చెప్పి, అల్లు అరవింద్ కి నాగ చైతన్య ని రిఫర్ చేసాడట రామ్ చరణ్. అలా ఈ 150 కోట్ల రూపాయిల ప్రాజెక్ట్ నాగ చైతన్య చేతుల్లోకి వెళ్ళింది.
