సోషల్ మీడియా లో విచిత్రమైన వీడియోస్ పెడుతూ,హల్చల్ చేసే ప్రముఖ కొరియోగ్రాఫర్ రాకేష్ మాస్టర్ మృతి చెందాడు. ఉత్తరాంధ్ర లో గత కొంతకాలం నుండి తన యూట్యూబ్ ఛానల్ కోసం ప్రత్యేకమైన ప్రోగ్రాం చేస్తున్న రాకేష్ మాస్టర్, అకస్మాత్తుగా అనారోగ్యానికి గురయ్యాడు. ఆయనని వెంటనే హాస్పిటల్ కి తీసుకెళ్లి చికిత్స అందిస్తుండగా, మధ్యలోనే తన తుదిశ్వాస ని విడిచేసాడు.
గత కొంతకాలం నుండి సోషల్ మీడియా సెలబ్రిటీస్ గా పేరు పొందిన అగ్గిపెట్ట మచ్చ, స్వాతి నాయుడు , సునిశిత్ వంటి వారితో తన యూట్యూబ్ ఛానల్ కోసం ఒక ప్రత్యేకమైన ప్రోగ్రాం ని నిర్వహించాడు. ఈ ప్రోగ్రాం కి సంబంధించిన కొన్ని వీడియోలు సోషల్ మీడియా లో ఒక రేంజ్ లో ట్రెండ్ అవుతున్న సంగతి అందరికీ తెలిసిందే. అలా ఎప్పుడు ట్రెండింగ్ లో ఉండే రాకెష్ మాస్టర్ ఇలా హఠాన్మరణం చెందడం యావత్తు సినీ లోకాన్ని శోకసంద్రం లోకి నెట్టేసింది.
ఇండస్ట్రీ లో రాకేష్ మాస్టర్ కి మంచి కొరియోగ్రాఫర్ గా పేరుంది. ప్రస్తుతం ఇండియా లోనే మోస్ట్ వాంటెడ్ కొరియోగ్రాఫర్స్ లో ఒకరైన శేఖర్ మాస్టర్ ఇతని శిష్యుడే. తెలుగు లో ఇప్పటి వరకు ఈయన మనసిచ్చాను,దేవదాసు, యువరాజు, సీతారామరాజు, బడ్జెట్ పద్మనాభం, గర్ల్ ఫ్రెండ్ , చిరునవ్వుతో ఇలా ఎన్నో సూపర్ హిట్ సినిమాలకు కొరియోగ్రఫీ చేసాడు. ఆ తర్వాత ఈటీవీ లో ప్రసారం అయ్యే ఢీ షో లో కూడా ఒక డ్యాన్స్ మాస్టర్ గా కొనసాగాడు.
అయితే కొత్తవాళ్లు రాకతో రాకేష్ మాస్టర్ కి సినిమాల్లో అవకాశాలు బాగా తగ్గిపోయాయి. దాంతో ఆయన ఖాళీగా మిగిలిపోయాడు. ఒక ఇంటర్వ్యూ ద్వారా బాగా ఫేమస్ అయిన రాకేష్ మాస్టర్, అదే ట్రెండ్ ని కొనసాగిస్తూ,వివిధ అంశాల పైన యూట్యూబ్ వీడియోస్ చేస్తూ యూట్యూబ్ స్టార్ గా ఎదిగిపోయాడు.తరచూ ట్రెండింగ్ లో ఉండే ఈయన ఇప్పుడు ఇలా చనిపోయాడు అనే వార్త రావడం తో అభిమానులు జీర్ణించుకోలేకపోతున్నారు.