Bigg Boss Telugu 7 మొదలై 50 రోజులు పూర్తి అయ్యింది. హౌస్ లో ఉండే కంటెస్టెంట్స్ కూడా మారుతూ వస్తున్నారు కానీ, ఆడవాళ్లు ఎలిమినేట్ అవ్వడం మాత్రం మారట్లేదు. ఈ 8 వారాలు ఆడవాళ్లే ఎలిమినేట్ అవ్వడం విశేషం. ఈ వారం బిగ్ బాస్ హౌస్ నుండి పూజ ఎలిమినేట్ అయిన సంగతి అందరికీ తెలిసిందే. గత వారం నాయని పావని ఎలిమినేట్ అయ్యింది.
ఇలా వరుసగా ఆడవాళ్లు ఎలిమినేట్ అవుతున్నారు కాబట్టి , పాత కంటెస్టెంట్స్ లో ఎలిమినేట్ అయిన దామిని , రతికా మరియు శుభ శ్రీ లను సెలెక్ట్ చేసుకొని , హౌస్ మేట్స్ ద్వారా ఓటింగ్ జరిపి తక్కువ ఓట్లు తెచ్చుకున్న రతికా ని నిన్న బిగ్ బాస్ హౌస్ లోకి పంపించారు. అయితే వచ్చే వారం కూడా లేడీ కంటెస్టెంట్ ఎలిమినేట్ అయ్యే అవకాశాలు అత్యధికంగా ఉన్నాయి.
ఈ వారం బిగ్ బాస్ హౌస్ నుండి బయటకి వెళ్ళడానికి నామినేట్ అయిన వారు శివాజీ, పల్లవి ప్రశాంత్, భోలే శవాలీ, గౌతమ్, ప్రియాంక, అమర్ దీప్ మరియు యావర్. ఈసారి అందరూ స్ట్రాంగ్ కంటెస్టెంట్స్ నామినేషన్స్ లోకి వచ్చారు. వీరిలో టాప్ 2 స్థానాల్లో శివాజీ మరియు పల్లవి ప్రశాంత్ ఉంటారు. అందులో ఎలాంటి అనుమానం లేదు, కానీ చివరి రెండు స్థానాల్లో మాత్రం భోలే శవాలీ మరియు ప్రియాంక ఉండే ఛాన్స్ ఉంది.
భోలే శవాలీ కి గత వారం సానుభూతి ఏర్పడింది, మంచి ఓటింగ్ వచ్చింది. కానీ టాస్కుల విషయం లో ఇతని నుండి ఇప్పటి వరకు ఎలాంటి గేమ్ కనపడలేదు. గత వారం ఉన్న ఓటింగ్ ట్రెండ్ ఈ వారం కూడా కొనసాగితే భోలే సేవ్ అయ్యి, ప్రియాంక ఎలిమినేట్ అయ్యే అవకాశాలు ఎక్కువ ఉన్నాయి, చూడాలి మరి ఏమి జరగబోతుంది అనేది.