యంగ్ టైగర్ ఎన్టీఆర్ #RRR చిత్రం తర్వాత కొరటాల శివ తో ‘దేవర’ అనే చిత్రం చేస్తున్న సంగతి తెలిసిందే. ఈ సినిమా షూటింగ్ ఈమధ్యనే ప్రారంభమై రెండు షెడ్యూల్స్ ని పూర్తి చేసుకుంది. గత నెల ఎన్టీఆర్ పుట్టిన రోజు సందర్భంగా ఈ చిత్రానికి సంబంధించిన ఫస్ట్ లుక్ ని కూడా విడుదల చేసారు. దీనికి ఫ్యాన్స్ నుండి బంపర్ రెస్పాన్స్ వచ్చింది, త్వరలోనే మూడవ షెడ్యూల్ కూడా ప్రారంభం కానుంది.
ఈ సినిమా లో జాన్వీ కపూర్ హీరోయిన్ గా నటిస్తుండగా, బాలీవుడ్ హీరో సైఫ్ అలీ ఖాన్ విలన్ గా నటిస్తున్నాడు. సౌత్ ఇండియన్ సెన్సేషన్ అనిరుథ్ ఈ చిత్రానికి సంగీతం అందిస్తున్నాడు. ఇక ఈ సినిమా తర్వాత ఎన్టీఆర్ లైనప్ లో ఉన్న ప్రముఖ దర్శకుడు ప్రశాంత్ నీల్ చిత్రం పై ఫ్యాన్స్ లోనే కాదు, ఆడియన్స్ లో కూడా విపరీతమైన అంచనాలు ఉన్నాయి.
ఈ సినిమా ఎప్పుడు ప్రారంభం అవ్వబోతుంది అనేది తెలియదు కానీ, ఇప్పుడు ఈ చిత్రానికి సంబంధించిన క్యాస్టింగ్ విషయం లో డైరెక్టర్ ప్రశాంత్ నీల్ ఇప్పటి నుండి కసరత్తులు ప్రారంభించినట్టు సమాచారం. అయితే ఈ చిత్రం లో హీరోయిన్ పాత్ర కోసం , ప్రముఖ బాలీవుడ్ స్టార్ హీరోయిన్ ప్రియాంక చోప్రా ని సంప్రదించినట్టు తెలుస్తుంది. బాలీవుడ్ లో అగ్ర కథానాయికగా ఎదిగి, ఆ తర్వాత హాలీవుడ్ లో కూడా వరుసగా సినిమాలు చేస్తూ అక్కడ స్టార్ హీరోయిన్ గా స్థిరపడిన ప్రియాంక చోప్రా రేంజ్ ఇప్పుడు ఎవ్వరూ ఊహించని రేంజ్ లో ఉంది.
అక్కడ మిలియన్ డాలర్స్ లో పారితోషికం తీసుకుంటున్న ప్రియాంక చోప్రా ఇప్పుడు మళ్ళీ ఇండియా లోకి అడుగుపెట్టి ఎన్టీఆర్ తో సినిమా చేస్తుందా లేదా అనేది ఇప్పుడు పెద్ద ప్రశ్న. #RRR మూవీ కి ఆస్కార్ అవార్డ్స్ వచ్చినప్పుడు అమెరికా లో ప్రియాంక చోప్రా ని కలిసాడు ఎన్టీఆర్, అలా వీళ్లిద్దరి మధ్య పరిచయం ఏర్పడింది. మరి ప్రశాంత్ నీల్ రిక్వెస్ట్ ని స్వీకరించి ప్రియాంక చోప్రా ఈ చిత్రం లో నటిస్తుందో లేదో చూడాలి. ప్రియాంక చోప్రా వయస్సులో ఎన్టీఆర్ కంటే చాలా పెద్ద, మరి ఫ్యాన్స్ ఆమెని హీరోయిన్ అని ప్రకటించిన తర్వాత ఎలాంటి రియాక్షన్ ఇస్తారో చూడాలి.
