Saif Ali Khan : ప్రముఖ బాలీవుడ్ నటుడు సైఫ్ అలీ ఖాన్ గురించి ప్రత్యేకంగా పరిచయం అవసరం లేదు. ఆయన ఆది పురుష్ సినిమాతో ప్రపంచ వ్యాప్తంగా పాపులారిటీ సంపాదించుకున్నారు. సైఫ్ అలీఖాన్ ప్రస్తుతం ఎన్టీఆర్ హీరోగా చేస్తున్న దేవర సినిమాల్లో విలన్ గా నటిస్తున్నాడు. తాజాగా సైఫ్ అలీఖాన్‌కి సంబంధించిన ఓ వార్త సోషల్ మీడియాలో వైరల్ అవుతోంది. ఆయన ఆసుపత్రి పాలైనట్లు సమాచారం.
మోకాళ్లు, భుజాలపై తీవ్రగాయాలు కావడంతో వైద్య చికిత్స నిమిత్తం ముంబైలోని ఆస్పత్రికి తరలించినట్లు తెలుస్తోంది. దీనికి సంబంధించిన పోస్ట్‌లు సోషల్ మీడియా మాధ్యమం ట్విటర్లో రావడంతో ఆయన అభిమానుల్లో టెన్షన్ మొదలైంది.. దేవర యాక్షన్ సన్నివేశాల షూటింగ్ టైమ్‌లో సైఫ్‌కి ప్రమాదం జరిగి గాయపడినట్లు తెలుస్తోంది. దీనిపై నటులు కానీ, చిత్ర నిర్మాతలు కానీ క్లారిటీ ఇవ్వలేదు.
ప్రస్తుతం సైఫ్ అలీఖాన్ నటించిన దేవర రెండు భాగాలుగా విడుదల కానుంది. ఈ చిత్రం ద్వారా దివంగత నటి శ్రీదేవి కూతురు జాన్వీ కపూర్ హీరోయిన్ గా టాలీవుడ్ లోకి అడుగుపెట్టనుంది. కోస్తా ప్రాంతంలోని అణగారిన ప్రజల నేపథ్యంలో ఈ సినిమా తెరకెక్కనుంది. భయం తెలియని జంతువులకు భయాన్ని పరిచయం చేసే పవర్‌ఫుల్ పాత్రలో ఎన్టీఆర్ కనిపించబోతున్నాడు. ఈ సినిమా పార్ట్ 1 ఏప్రిల్ 5న ప్రేక్షకుల ముందుకు రానుంది.