Actress : దక్షిణాదికి చెందిన పలువురు నటీమణులు బాలీవుడ్‌లో కూడా తమ అదృష్టాన్ని పరీక్షించుకున్నారు. సౌత్‌తో పాటు బాలీవుడ్‌లోనూ పేరు తెచ్చుకున్న హీరోయిన్స్ కూడా ఉన్నారు. ఆమె నటనకు సంబంధించిన చర్చ.. అభిమానుల ఫాలోయింగ్‌ను చూసి ఔరా అనాల్సిందే. కానీ, బాలీవుడ్‌లో చేరి పేరు తెచ్చుకోలేకపోయిన కొందరు హీరోయిన్లు ఉన్నారు. బాలీవుడ్‌లోకి అడుగుపెట్టి ఎందరో సూపర్స్టార్లతో పనిచేసినా గత ఐదేళ్లలో ఒక్క హిట్ సినిమా కూడా ఇవ్వలేకపోయింది ఓ హీరోయిన్. గ్లామరస్ నటీమణుల జాబితాలో పూజా హెగ్డే తన పేరును చేర్చుకుంది. తన నటనతో అభిమానులను ఆకట్టుకుంటుంది. కానీ, చాలా కాలంగా ఒక్క సూపర్హిట్ సినిమా కూడా ఇవ్వలేదు. గత కొంత కాలంగా పూజా వెండితెరపై పెద్దగా కనిపించలేదు. దీంతో ఆమె సినిమాల ఎంపిక విషయంలో ప్రశ్నలు మొదలయ్యాయి. పూజా హెగ్డే 2012లో తమిళ సినిమాతో కెరీర్ ప్రారంభించింది. ఈ సినిమా కమర్షియల్‌గా హిట్‌గా నిలిచింది. తర్వాత తెలుగులో ఎన్నో సూపర్హిట్ చిత్రాల్లో నటించింది.
పూజా తన సినీ కెరీర్‌ని ప్రారంభించిన నాలుగేళ్ల తర్వాత 2016లో బాలీవుడ్‌లోకి అడుగుపెట్టింది. ఆమె సూపర్ స్టార్ హృతిక్ రోషన్‌తో ప్రధాన పాత్రలో పనిచేసింది. అశుతోష్ గోవారికర్ చిత్రం మొహెంజొదారోలో పూజా బాలీవుడ్ లోకి రంగప్రవేశం చేసింది. కానీ, ఆ సినిమా కమర్షియల్ ఫ్లాప్ అని తేలిపోయింది. దీని తరువాత పూజ రెండవ హిందీ చిత్రం అక్షయ్ కుమార్‌తో కలిసి హౌస్‌ఫుల్ 4 చేసింది. 2019లో విడుదలైన ఈ సినిమా సూపర్‌హిట్‌గా నిలిచింది. కానీ, పూజా హౌస్‌ఫుల్ 4 మినహా బాలీవుడ్‌లో ఒక్క హిట్ సినిమా కూడా ఇవ్వలేదు. దీని తరువాత ఆమె రణబీర్ సింగ్‌తో సర్కస్‌లో పనిచేసింది.. తర్వాత సల్మాన్ ఖాన్‌తో కిసీ కా భాయ్ కిసీ కి జాన్‌లో కనిపించింది. అయితే ఈ రెండు సినిమాలు బాక్సాఫీస్ వద్ద బోల్తా కొట్టాయి.
సర్కస్, కిసీ కా భాయ్ కిసీ కీ జాన్ కంటే ముందు పూజ ప్రభాస్‌తో పాన్ ఇండియా ఫిల్మ్.. రాధే శ్యామ్‌లో కనిపించింది. ఈ సినిమా ఆమె కెరీర్‌లోనే బిగ్గెస్ట్ ఫ్లాప్‌గా నిలిచింది. ఈ సినిమా బడ్జెట్ 300 కోట్లు కానీ రూ.117 కోట్లు మాత్రమే రాబట్టింది. దీంతో ఈ సినిమా దారుణంగా ఫ్లాప్ అయింది. ట్రేడ్ రిపోర్ట్ గురించి చెప్పాలంటే.. ఈ చిత్రం ప్రపంచ వ్యాప్తంగా రూ.130 కోట్లు వసూలు చేసింది. ఇది కాకుండా పూజా రామ్ చరణ్, చిరంజీవిలతో చేసిన సినిమా కూడా ఫ్లాప్ అయ్యింది. పూజా తమిళ హీరో విజయ్‌తో కూడా స్క్రీన్‌ను పంచుకున్నారు. అయితే అక్కడ కూడా ఆమెకు కలిసి రాలేదు. గత మూడేళ్లుగా పూజా హెగ్డే చేసిన ఒక్కటి హిట్ కాలేదు. బాలీవుడ్‌లో కూడా ఒక్క హిట్ అమ్మడు ఇవ్వలేదు. పూజా నటించిన చివరి చిత్రం ‘కిసీ కా భాయ్ కిసీ కి జాన్’, ఇది ప్రపంచవ్యాప్తంగా రూ. 184 కోట్లు వసూలు చేసింది. కానీ, బ్యాక్ టు బ్యాక్ ఫ్లాప్‌లు ఇచ్చిన తర్వాత కూడా పూజా ఒక సినిమాకు 4 కోట్లు వసూలు చేస్తుంది. ఈ వార్త విన్న నెటిజన్లు ఆశ్చర్యపోతున్నారు.