Balakrishna : ఫ్లూటు జింక ముందు ఊదు.. సింహం ముందు కాదు, ఏయ్!! నువ్వు బయపడితే బయపడటానికి ఓటరు నీ అనుకున్నవా బే … షూటర్ నీ… కాల్చి పారేస్తా నా కొడకా, ఒకడు నాకు ఎదురొచ్చిన వాడికే ప్రమాదం.. నేను ఒకడికి ఎదురైన వాడికి రిస్క్.. తొక్కి పడేస్తా.. ఈ డైలాగ్స్ వింటుంటే ఓ రూపం మీ మెదడులో మెదులుతోంది కదూ. అది నటసింహం నందమూరి బాలకృష్ణే కదూ. ఆయన కాక ఇంకెవ్వరు ఇలాంటి పవర్ ఫుల్ డైలాగ్స్తో ఎంటర్టైన్ చేయగలరు చెప్పండి. ఇంతకీ ఈ సినిమా గుర్తుందా.. అదేనండి బోయపాటి శ్రీనివాస్ దర్శకత్వంలో బాలయ్య చేసిన లెజెండ్ సినిమాలోని ఈ డైలాగ్స్ను మరిచిపోవడం అంత ఈజీ కాదులెండి. ఈ సినిమా రిలీజ్ అయి ఈ ఏడాదికి సరిగ్గా పదేళ్లు పూర్తయింది.
2014లో థియేటర్లలో విడుదలైన ఈ చిత్రం ఫ్యాన్స్కు పూనకాలు తెప్పించింది. ఈ మూవీలో ఒక్కో డైలాగ్ ఒక్కో డైమండ్. ప్రతి డైలాగ్కు ప్రేక్షకులు సీటు మీద నుంచి లేవాల్సిందే. విజిల్ వేయాల్సిందే. గూస్బంప్స్ తెప్పించిన ఈ సినిమాలో బాలయ్య బాబు డ్యూయెల్ రోల్ చేశారు. ఇక ఇందులో రాధికా ఆప్టే, సోనాల్ చౌహాన్ నటించారు. జగపతిబాబు ఈ చిత్రంతో సెకండ్ ఇన్నింగ్స్ షురూ చేశాడు. రిలీజ్ అయి పదేళ్లు పూర్తి చేసుకున్న సందర్భంగా లెజెండ్ సినిమా మళ్లీ థియేటర్లలో సందడి చేసేందుకు సిద్ధంగా ఉంది. మేకర్స్ ఈ చిత్రాన్ని థియేటర్లలో రీ రిలీజ్ చేసేందుకు సన్నాహాలు చేస్తున్నారు. మార్చి 30న గ్రాండ్గా రిలీజ్ కానుంది.
బాలకృష్ణ, డైరెక్టర్ బోయపాటి కాంబినేషన్లో విడుదలైన రెండో సినిమా ఇది. అంతకుముందు ఈ ఇద్దరూ కలిసి పని చేసిన ‘సింహా’ కూడా బాక్సాఫీస్ వద్ద సూపర్ సక్సెస్ సాధించింది. ఇందులో బాలయ్య డ్యూయెల్ రోల్లో నటించారు. అందులో ఒకటి జయ్దేవ్ అలియాస్ లెజెండ్ ఇంకా కృష్ణ. ‘లెజెండ్’ మూవీ దాదాపు 31 సెంటర్లలో వంద రోజులు ఆడింది. మరో రెండు సెంటర్లలో 175 రోజులు రన్ అయింది. బాలయ్య సినిమాల్లో డబుల్ సెంచరీ దాటిన సినిమాల్లో ‘లెజెండ్’ కూడా ఒకటి. ‘ముద్దుల మావయ్య’, ‘సమరసింహా రెడ్డి’, ‘నరసింహ నాయుడు’, ‘సింహా’ తర్వాత ఆ లిస్ట్లో లెజెండ్ ఐదవ స్థానాన్ని దక్కించుకుంది.