Lokesh Kanakaraju : ఈ ఏడాది భారీ అంచనాల నడుమ విడుదలై ఆ అంచనాలను అందుకోలేకపోయిన సినిమాలలో ఒకటి తమిళ హీరో విజయ్ నటించిన ‘లియో’. ఈ చిత్రం కంటెంట్ పరంగా మాత్రమే అంచనాలను చేరుకోలేకపోయింది కానీ, కలెక్షన్స్ పరంగా మాత్రం కాదు. కలెక్షన్స్ పరంగా అయితే ఈ సినిమాకి ఒక ఇండస్ట్రీ హిట్ కి ఎలాంటి వసూళ్లు అయితే వస్తాయో, అలాంటి వసూళ్లు ఈ సినిమాకి వచ్చాయి.
విజయ్ కి ఉన్న క్రేజ్, దానికి తోడు లోకేష్ కనకరాజ్ లాంటి సెన్సేషనల్ డైరెక్టర్ ఈ సినిమాకి దర్శకత్వం వహించడం, దసరా పండుగ సెలవలు తమిళనాడు లో వరుసగా ఆరు రోజులు రావడం తో ఆ ఆరు రోజుల్లోనే సినిమాకి రావాల్సిన వసూళ్లు మొత్తం వచ్చేసాయి. బ్రేక్ ఈవెన్ మార్కుని కూడా చేరుకుంది, కానీ కంటెంట్ పరంగా చూస్తే మాత్రం అంచనాలను రీచ్ అవ్వలేదు అనేది అక్షర సత్యం.
ఫస్ట్ హాఫ్ అద్భుతంగా ఉన్నప్పటికీ కూడా , సెకండ్ హాఫ్ అనుకున్న స్థాయిలో లేకపోవడం వల్లే ఫ్యాన్స్ మరియు ఆడియన్స్ నిరాశకి గురి అయ్యారు. అయితే ఈ సినిమా గురించి లోకేష్ కనకరాజ్ రీసెంట్ గా జరిగిన ఇంటర్వ్యూ లో లియో చిత్రం గురించి పలు కీలక వ్యాఖ్యలు చేసాడు.
ఆయన మాట్లాడుతూ ‘ఆడియన్స్ సెకండ్ హాఫ్ బాలేదు అని చెప్తూ వచ్చారు ,వాళ్ళ అభిప్రాయం ని నేను గౌరవిస్తున్నాను. వాళ్ళు చెప్పినట్టుగానే నిజంగానే సెకండ్ హాఫ్ బాగా రాలేదు. నేను ముందుగా విడుదల తేదీలను ప్రకటించడం వల్లే ఈ సినిమాకి పెద్ద మైనస్ అయ్యింది అనుకుంటున్నాను. విడుదల తేదీ దగ్గర పడుతుండేలోపు ఏమి చేస్తున్నానో, ఏమి తీస్తున్నానో క్లారిటీ లేకుండా పోయింది. ఇక నుండి రాబొయ్యే సినిమాలకు విడుదల తేదీ ప్రకటించను’ అంటూ చెప్పుకొచ్చాడు లోకేష్ కనకరాజ్.