మెగాస్టార్ Chiranjeevi కి అత్యధిక బ్లాక్ బస్టర్ హిట్స్ ఇచ్చిన దర్శకుల లిస్ట్ తీస్తే అందులో కోదండరామి రెడ్డి పేరు కచ్చితంగా ఉంటుంది. చిరంజీవి తో ఆయన ఏకంగా 23 సినిమాలు తీసాడు. ఆ 23 సినిమాలు కూడా కమర్షియల్ గా పెద్ద బ్లాక్ బస్టర్ హిట్ అయ్యాయి. వీళ్లిద్దరి కాంబినేషన్ లో వచ్చిన మొదటి సినిమా ‘న్యాయం కావలి’. చిరంజీవి ని నెగటివ్ షేడ్స్ లో చూపించిన ఈ సినిమా అప్పట్లో పెద్ద హిట్.
ఈ సినిమా తర్వాత కొన్నాళ్ళకు వీళ్లిద్దరి కాంబినేషన్ లో ‘ఖైదీ’ అనే చిత్రం తెరకెక్కింది. ఈ సినిమా సృష్టించిన ప్రభంజనం మామూలుది కాదు. అప్పటి వరకు మామూలు హీరోగా ఇండస్ట్రీ లో నిలదొక్కుకుంటూ వస్తున్న చిరంజీవి, ఈ సినిమాతో వేరే లెవెల్ కి చేరుకున్నాడు. ఇక్కడి నుండి ఆయన వెనక్కి తిరిగి చూసుకోవాల్సిన అవసరం రాలేదు. మెగాస్టార్ గా నెంబర్ 1 గా దశాబ్దాలు ఇండస్ట్రీ లో కొనసాగడానికి పునాది వేసింది ఈ ‘ఖైదీ’ చిత్రం.
అయితే ఈ సినిమా లో ‘రగులుతుంది మొగలిపొగ’ అనే పాట అప్పట్లో యువతరాన్ని ఏ రేంజ్ ఉర్రూతలు ఊగించిందో ప్రత్యేకించి చెప్పనక్కర్లేదు. ఇప్పటికీ కూడా రొమాంటిక్ సాంగ్స్ టాప్ 10 బెస్ట్ సాంగ్స్ తీస్తే ఈ పాట కచ్చితంగా ముందు వరుసలో ఉంటుంది. అయితే ఈ పాటలో రొమాన్స్ ఎక్కువ ఉంటుంది కదా, దీని వల్ల మీరు ఎలాంటి సమస్యలు ఎదురుకోలేదా అప్పట్లో అని కోదండరామిరెడ్డి ని యాంకర్ అడుగుతుంది.
దీనికి కోందండరామి రెడ్డి సమాధానం చెప్తూ ‘అలాంటిదేమి జరగలేదు.. నాకు తెలిసిన ఒక వ్యక్తి 7,8 ఏళ్ళు పిచ్చివాడిలాగా రోడ్ల మీద ఈ పాట పెట్టుకొని స్టెప్స్ వేసుకుంటూ తిరిగేవాడు. ఆ రోజుల్లో ఆ పాట సృష్టించిన సెన్సేషన్ అలాంటిది’ అంటూ చెప్పుకొచ్చాడు కోదండరామి రెడ్డి. ఇప్పటికీ కూడా అనేక డ్యాన్స్ షోస్ లో రొమాంటిక్ సాంగ్స్ చెయ్యాల్సి వస్తే ఈ పాటనే ఎంచుకుంటూ ఉంటారు డ్యాన్సర్లు.