Ravi Teja : ‘బాహుబలి’ సినిమాలో రవితేజ మిస్ చేసుకున పాత్ర అదేనా..? చేసుంటే వేరే లెవెల్ ఉండేది!



Ravi Teja : తెలుగు చలన చిత్ర పరిశ్రమని శిఖరాగ్ర స్థాయికి చేర్చిన చిత్రం రాజమౌళి తెరకెక్కించిన ‘బాహుబలి’. మగధీర సినిమాతో మొట్టమొదటిసారి మన తెలుగు సినిమా గురించి ఇండియా మొత్తం మాట్లాడుకునేలా చేసిన రాజమౌళి. ఆ సినిమా తర్వాత అంత కంటే భారీ బడ్జెట్ తో, అంత కంటే రిచ్ గా సినిమా తియ్యాలని కసితో బాహుబలి కథని సిద్ధం చేయించాడు.

Ravi Teja
Ravi Teja

అలా పాన్ ఇండియా లెవెల్ లో తెరకెక్కిన ఈ చిత్రం ఇండియన్ ఫిలిం ఇండస్ట్రీ లో ఉన్న రికార్డ్స్ అన్నిటిని బద్దలు కొట్టి సెన్సేషన్ సృష్టించింది. ఇక ఈ సినిమాకి సీక్వెల్ గా వచ్చిన ‘బాహుబలి 2’ ఏకంగా రెండు వేల కోట్ల రూపాయిల గ్రాస్ వసూళ్లను రాబట్టి, ఇప్పటికి ఎవ్వరూ దరిదాపుల్లోకి రాలేని రికార్డు గా నిల్చింది. ఇదంతా పక్కన పెడితే బాహుబలి పార్ట్ 1 లో డైరెక్టర్ రాజమౌళి రవితేజ కోసం ఒక అతిథి పాత్ర రాసాడట.

Ravi Teja rajamouli

ఈ సినిమా ప్రారంభం లో కన్నడ స్టార్ హీరో కిచ్చా సుదీప్ పక్క రాజ్యం నుండి మాహిష్మతి కి వచ్చి కత్తులను సరఫరా కాంట్రాక్టు ని తీసుకొస్తాడు. అప్పుడు కట్టప్ప క్షమించండి ప్రభు, ఈ కత్తులు మా చేతి వేగాన్ని తట్టుకోలేవు అని అంటాడు. అప్పుడు వాళ్ళిద్దరి మధ్య చిన్న కత్తి యుద్ధం జరుగుతుంది. ఈ సన్నివేశం లో కిచ్చా సుదీప్ పాత్ర కోసం ముందుగా మాస్ మహారాజ రవితేజ ని అనుకున్నాడట డైరెక్టర్ రాజమౌళి.

Ravi Teja

గతం లో వీళ్లిద్దరి కాంబినేషన్ లో వచ్చిన ‘విక్రమార్కుడు’ చిత్రం ఎంత పెద్ద బ్లాక్ బస్టర్ అయ్యిందో మన అందరికీ తెలిసిందే. ఈ సినిమా తర్వాత మళ్ళీ వీళ్ళ కాంబినేషన్ లో మరో సినిమా రాలేదు కానీ, మర్యాదరామన్న సినిమాలోని సైకిల్ పాత్రకి రవితేజ వాయిస్ ఓవర్ ఇస్తాడు. అలా ఈ సినిమాలో కూడా ఈ చిన్న గెస్ట్ రోల్ చెయ్యమని రిక్వెస్ట్ చేసాడట రాజమౌళి, కానీ అప్పటికే చేతినిండా సినిమాలతో బిజీ గా ఉన్న ఆయన ఈ ప్రాజెక్ట్ ని చెయ్యలేకపోయాడట.