Neha Sharma : హీరోయిన్ నేహా శర్మ గురించి ప్రత్యేకంగా పరిచయం అక్కర్లేదు. రామ్ చరణ్ డెబ్యూ మూవీ ‘చిరుత’ సినిమాతో టాలీవుడ్ ఎంట్రీ ఇచ్చింది. ఆ సినిమాలో తన అందం, యాటిట్యూడ్‌తో యూత్‌ని కట్టిపడేసింది ఈ అమ్మడు. కానీ, ఈ క్రేజ్ ఎక్కువ కాలం టాలీవుడ్ ఇండస్ట్రీలో నిలవలేకపోయింది. చిరుత తర్వాత తెలుగులో వరుణ్ సందేశ్ తో కలిసి ‘కుర్రాడు’ అనే సినిమాలో మాత్రమే నటించిన ఆమె.. ఆ తర్వాత టాలీవుడ్‌కి దూరంగా బాలీవుడ్, తమిళం, మలయాళం సినిమాల్లో నటించింది. నేహా శర్మ మాత్రం నటనలో పర్వాలేదు అనిపించినా ఎందుకో అనుకున్నంత స్టార్ డమ్ అందుకోలేకపోయింది. ఇదిలా ఉంటే ఈ అమ్మడు రాబోయే ఎలక్షన్ల ద్వారా రాజకీయాల్లోకి రానున్నట్లు తెలుస్తోంది.
వచ్చే లోక్ సభ ఎన్నికల్లో నేహాశర్మ పోటీ చేయనున్నట్లు సమాచారం. ఆమె బీహార్ నుంచి పోటీ చేసే అవకాశాలు పుష్కలంగా కనిపిస్తున్నాయి. ఈ విషయాన్ని స్వయంగా నేహా శర్మ తండ్రి, కాంగ్రెస్ నేత అయిన అజిత్ శర్మ తెలిపారు. తాజాగా ఆయన మీడియాతో మాట్లాడుతూ.. ‘భాగల్‌పూర్ నియోజకవర్గంలో కాంగ్రెస్‌కు మంచి పట్టు ఉంది. ఇండియా కూటమి సీట్ల సర్దుబాటులో భాగంగా ఈ సీటు కాంగ్రెస్ కు దక్కాలి. దీనిపై చర్చలు జరుగుతున్నాయి.. ఈ సీటు కాంగ్రెస్‌కు దక్కితే.. నేను లేదా నా కూతురు నేహా శర్మ పోటీ చేస్తాం.’’ అన్నారు. ప్రస్తుతం ఆయన చేసిన వ్యాఖ్యలు సోషల్ మీడియాలో వైరల్‌గా మారడంతో నేహా శర్మ పొలిటికల్ ఎంట్రీపై అభిమానులు షాక్ అవుతున్నారు.
View this post on Instagram