OG Movie : పవన్ కళ్యాణ్ ప్రస్తుతం చేస్తున్న సినిమాలలో అభిమానులు ఎంతో ఆతృతగా ఎదురు చూస్తున్న చిత్రం #OG.. ప్రస్తుతం పవన్ కళ్యాణ్ లైనప్ లో చాలా సినిమాలు ఉన్నాయి.. కానీ అభిమానులకు ఈ చిత్రమే ఎందుకు అంత ప్రత్యేకం అంటే డైరెక్టర్ సుజిత్ అవ్వడం వల్లే.. సుజిత్ పవన్ కళ్యాణ్ కి వీరాభిమాని.. ఒక వీరాభిమాని సినిమా తీస్తే ఎలా ఉంటుందో , వాటి ఫలితాలు ఎలా ఉంటాయో గతం లో మనం చాలాసార్లు చూసాము.
#OG కూడా అలాగే ఉండబోతుందని అభిమానుల నమ్మకం..ఇక ఈ సినిమాకి సంబంధించిన పూజా కార్యక్రమాలు నేడు అన్నపూర్ణ స్టూడియోస్ లో జరిగాయి..ఈ పూజ కార్యక్రమానికి అల్లు అరవింద్ , దిల్ రాజు మరియు సురేష్ బాబు వంటి నిర్మాతలు ముఖ్య అతిథి గా హాజరయ్యారు.. దీనికి సంబంధించిన వీడియోలు మరియు ఫోటోలు సోషల్ మీడియా లో వైరల్ గా మారాయి.
ఇక ఈ చిత్రానికి సంబంధించిన పూర్తి వివరాల్లోకి ఒకసారి వెళ్తే థమన్ సంగీతం అందిసున్నాడు.. #RRR తో ఆస్కార్ రేంజ్ కి మన తెలుగు సినిమాని తీసుకెళ్లిన డీవీవీ దానయ్య ఈ చిత్రాన్ని నిర్మిస్తున్నాడు.. అయితే ఈ సినిమాలో హీరోయిన్ గా చాలామంది పేర్లు వినిపించినా..ఫైనల్ గా ప్రియాంక మోహన్ ని ఖరారు చేసినట్టు తెలుస్తుంది.. ప్రియాంక మోహన్ అంటే ‘డాక్టర్’ సినిమాలో హీరోయిన్ మీ అందరికి గుర్తుంది కదా..ఆమె అన్నమాట.
కథ రీత్యా ఇంకో హీరోయిన్ కూడా ఇందులో నటించేందుకు స్కోప్ ఉందట.. అంతే కాకుండా ఈ చిత్రం లో బాలీవుడ్ హీరోయిన్ టబు, అనుపమ్ ఖేర్ మరియు కన్నడ స్టార్ హీరో రక్షిత్ శెట్టి కూడా నటించబోతున్నట్టు సమాచారం.. త్వరలోనే ఈ వివరాలను అధికారికంగా ప్రకటించబోతుంది మూవీ టీం.. ఫిలిం నగర్ లో వినిపిస్తున్న మరో వార్త ఏమిటంటే ఈ చిత్రాన్ని రెండు భాగాలుగా తెరకెక్కించబోతున్నారట.. దీనికి సంబంధించి మేకర్స్ నుండి క్లారిటీ రావాల్సి ఉంది.
